ថ្ងៃនេះយ៉ាងណាហើយ…យុវជនដែលហែកស៊ីសត្វបឺតឈាមទាំងរស់នោះ
- កំពង់ចាម
ខេត្តកំពង់ចាម ៖ យុវជនឈ្មោះ រុន រាជ អាយុ២៤ឆ្នាំ រស់នៅភូមិកោះចិនលើ ឃុំកំពង់រាប ស្រុកកោះ សូទិន…
ខេត្តកំពង់ចាម ៖ យុវជនឈ្មោះ រុន រាជ អាយុ២៤ឆ្នាំ រស់នៅភូមិកោះចិនលើ ឃុំកំពង់រាប ស្រុកកោះ សូទិន…
ខេត្តកំពង់ចាម ៖ យុវជនឈ្មោះ រុន រាជ អាយុ២៤ឆ្នាំ រស់នៅភូមិកោះចិនលើ ឃុំកំពង់រាប ស្រុកកោះ
សូទិន ដែលបានបង្កការភ្ញាក់ផ្អើលចាប់កូនឆ្កែ កូនឆ្មា មាន់ ហែកស៊ីបឺតឈាមទាំងរស់គួរឱ្យខ្លាចនោះ គិតមកដល់ព្រឹកថ្ងៃទី១០ កញ្ញា នេះ គឺគាត់មានសតិធម្មតាវិញ ក្រោយពីព្រះសង្ឃបានស្រោចទឹក២ដង ថែមទាំងបានស្គាល់បងប្អូននិងម្តាយ ព្រមទាំងសាច់ញាតិផ្សេងៗវិញ ។ គួររំលឹកថា៖ គាត់ហែកស៊ីកូនឆ្កែអស់៣,មាន់១,គីង្គក់១ និងកូនឆ្មា១…ទាំងគ្នានៅរស់
លោកវរសេនីយ៍ឯក អ៊ឹម ខឿន អធិការនគរបាលស្រុកកោះសូទិនបានប្រាប់ថា កាលពីថ្ងៃទី០៩ កញ្ញា រូបលោក បានដឹកនាំកម្លាំងនគរបាលព្រហ្មទណ្ឌតាមកាណូតជាច្រើននាក់ ដោយបានទៅកាន់ផ្ទះកើតហេតុដែលយុវជនឈ្មោះរាជ នៅភូមិ-ឃុំខាងលើ កំពុងបង្កការភ្ញាក់ផ្អើលចាប់សត្វចិញ្ចឹមរបស់ខ្លួនហែកស៊ីបឺតឈាម ។
ទោះបីជាលោកនាយរងប៉ុស្តិ៍កំពង់រាបនៅទីនោះ ខិតខំបញ្ចុះបញ្ជូលយ៉ាងណាក្តី ក៏នៅតែមិនព្រមចុះពីលើផ្ទះឈើឡើយ ។ នៅរសៀលថ្ងៃទី០៩ កញ្ញា ស្ត្រីឈ្មោះ ហេងអេង អាយុ៤៣ឆ្នាំ បានធ្វើដំណើរពីភ្នំពេញមកស្រុកកំណើតនៅភូមិកោះចិនលើ ដោយបានអុជធូបបួងសួង សុំម្ចាស់ទឹកម្ចាស់ដី និងបាននិយាយបញ្ចុះបញ្ចូលឱ្យកូនប្រុសបើកទ្វារដែរ ។
ទោះបីជាប្រឹងនិយាយបែបណាក្តី ក៏រូបគេមិនព្រមបើកឱ្យ ដោយសុខចិត្តសំងំនៅលើផ្ទះតែម្នាក់ឯង ក្នុងពេលនោះ ម៉ោងជិត៦ល្ងាចទៅហើយ ដោយបានប្រើឱ្យម្តាយទ្បើងទៅអង្រួនទ្វារក្រោយ ហៅឱ្យបើកទ្វារ កូនប្រុសដែលមានសតិមិនប្រក្រតី បានរត់មកមុខបំរុងបើកទ្វារលោតចុះមកដី តែត្រូវបានកម្លាំងនគរបាលជាច្រើននាក់បានរុញទ្វារផ្ទះឡើង ចូលទៅចាប់យុវជននោះក្រៀកជាប់ និងបានធ្វើតេស្តទឹកនោមសារធាតុញៀន តែមិនមាននោះទេ ។ បណ្តើរចុះមកដីចងខ្សែជាប់ ដើម្បីការពារសុវត្ថិភាព បណ្តើរទៅដាក់លើទូកម៉ាស៊ីន១គ្រឿង ដឹកយកមកវត្តពោធិវង្សកំពង់រាប ដោយព្រះសង្ឃស្រោចទឹកឱ្យ ។
នៅព្រឹកថ្ងៃទី១០ កញ្ញា ស្រោចទឹកឱ្យម្តងទៀត យុវជននោះក៏មានស្មារតីធម្មតាឡើងវិញ ស្គាល់បងប្អូននិងម្តាយហើយថែមទាំងបានហូបនំដឹងមានរសជាតិឆ្ងាញផងដែរ។ ម្តាយថា ឱ្យកូនស្នាក់នៅវត្ត២ថ្ងៃសិន បន្ទាប់មកនឹងយកទៅពេទ្យនៅភ្នំពេញដើម្បីព្យាបាលជំងឺសសៃប្រសាទ ។
ស្ត្រីឈ្មោះ ហេង អេង ប្រាប់ថា កូនប្រុសគាត់ឈ្មោះរាជ នេះ បានធូរស្រាលច្រើន កំពុងតែសំរាក
នៅវត្តកំពង់រាប គាត់ឱ្យបានម្តាយឪពុក មករស់នៅជាមួយចៅប្រុសរូបនេះ នៅស្រុកកោះសូទិន
ចំនែកគាត់ (ហេង អេង ) ត្រូវវិលត្រឡប់ទៅភ្នំពេញ លក់ត្រសក់ចាវ និងសាច់ប៉ូវ ដើម្បីយកប្រាក់ដោះស្រាយជីវភាពគ្រួសារវិញដែរ ។
ចែករំលែកព័តមាននេះ