រាជធានីភ្នំពេញ ៖ លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨នេះ ក្នុងចំណោមសិស្សដែលជាប់និទ្ទេសAចំនួន២៩០នាក់ ធ្វើឱ្យមានការចាប់អារម្មណ៍ទៅលើយុវតីភ្លោះមួយគូ ដែលទទួលបានពិន្ទុខ្ពស់ គឺម្នាក់ឈ្មោះ នី លាងអុី(៩៩.៩៦០) និងម្នាក់ទៀតឈ្មោះនី លាងអុីម (៩៩.៩៣១) ។
អ្វីដែលគួរឱ្យចាប់អារម្មណ៍ នៅលើបណ្តាញសង្គមហ្វេសប៊ុកផងដែរ គឺជាការចៃដន្យដ៏អស្ចារ្យ ព្រោះស្របពេលថ្ងៃទទួលបានលទ្ធផលល្អនេះ ចំថ្ងៃកំណើតដែលពួកនាងកើតផងដែរ គឺថ្ងៃទី៩ ខែកញ្ញា (ជាថ្ងៃប្រកាសលទ្ធផល) ។
មហាជនជាច្រើនរំភើបចិត្តជំនួសអាណាព្យាបាលរបស់យុវតីទាំង២រូបគ្រប់ៗគ្នា ដែលទទួលបានភាពជោគជ័យប្រកបដោយកិត្តិយស ។
ចំណែកបេក្ខជនឈ្មោះ ប៉េង គីមហេង មកពីវិទ្យាល័យប៊ែលធីអន្តរជាតិសាខាទី៧ ទទួលបាននិទ្ទេសA ក្នុងពិន្ទុ ១០០ ។ សូមអបអរសាទរចំពោះយុវសិស្សរូបនេះ ៕
ចែករំលែកព័តមាននេះ