បេក្ខជនជាង៧ម៉ឺននាក់ ប្រឡងបាក់ឌុបជាប់…
- ភ្នំពេញ
រាជធានីភ្នំពេញ ៖ តាមសេចក្តីប្រកាសព័ត៌មាន ចុះថ្ងៃទី៩ កញ្ញា របស់ក្រសួងអប់រំ យុវជន និងកីឡា ស្តីពីលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី…
រាជធានីភ្នំពេញ ៖ តាមសេចក្តីប្រកាសព័ត៌មាន ចុះថ្ងៃទី៩ កញ្ញា របស់ក្រសួងអប់រំ យុវជន និងកីឡា ស្តីពីលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី…
រាជធានីភ្នំពេញ ៖ តាមសេចក្តីប្រកាសព័ត៌មាន ចុះថ្ងៃទី៩ កញ្ញា របស់ក្រសួងអប់រំ យុវជន និងកីឡា ស្តីពីលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី ២០ ខែសីហា ឆ្នាំ២០១៨ បានឱ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ ដែលបានប្រព្រឹត្តទៅកាលពីថ្ងៃទី២០-២១ ខែសីហា ឆ្នាំ២០១៨ មានមណ្ឌលប្រឡងនៅគ្រប់រាជធានី ខេត្ត សរុប១៩៦មណ្ឌល បន្ទប់ប្រឡង៤.៦៥៥បន្ទប់ និងបេក្ខជនចុះឈ្មោះនៅក្នុងបញ្ជីសរុប១១៥.២៦៨នាក់ ដែលក្នុងនោះ៩០.១២០នាក់ ជាបេក្ខជនចំណេះទូទៅ ១៧.០៣១នាក់ជាបេក្ខជនស្វៃរិន ៤.៤២៥នាក់ជាបេក្ខជនបំពេញវិជ្ជា និង៣.៦៩២នាក់ជាបេក្ខជនស្វៃរិនបំពេញវិជ្ជា ។ បេក្ខជនអវត្តមានមានចំនួន១.៩០៣នាក់ ។
ដំណើរការនៃការប្រឡង ទាំងដំណើរការសំណេរ កំណែ និងស្រង់បូកពិន្ទុដោយកុំព្យូទ័របានប្រព្រឹត្តទៅប្រកបដោយជោគជ័យ ពុំមានឧបទ្ទវហេតុអ្វីគួរឱ្យកត់សម្គាល់ឡើយ ។ ការប្រកាសលទ្ធផលប្រព្រឹត្តទៅនៅរសៀលថ្ងៃទី៩ ខែកញ្ញា ឆ្នាំ២០១៨ សម្រាប់រាជធានីភ្នំពេញ និងខេត្តកណ្តាល និងនៅព្រឹកថ្ងៃទី១០ ខែកញ្ញា ឆ្នាំ២០១៨ សម្រាប់ខេត្តដទៃទៀត ។ ការប្រកាសលទ្ធផលប្រឡង គេក៏អាចមើលតាមបណ្តាញសង្គមផ្លូវការរបស់ក្រសួងអប់រំ យុវជន និងកីឡា MoEYS Cambodia Facebook.com/moeys.gov.kh តាមមណ្ឌលប្រឡងនានា ។
បេក្ខជនប្រឡងជាប់មានចំនួន៧៥.០៥៩នាក់ ត្រូវជា៦៦,២១%(បើប្រៀបធៀបនឹងឆ្នាំ២០១៧ចំនួន៦៣,៨៤%) ក្នុងនោះបេក្ខជនដែលទទួលបាននិទ្ទេសA មានចំនួន២៩០នាក់ (ឆ្នាំ២០១៧ ចំនួន៤២៤នាក់) និទ្ទេសB មានចំនួន១.៥៣២នាក់(ឆ្នាំ២០១៧ ចំនួន២.៤៦៤នាក់) និទ្ទេសC មានចំនួន៤.៦៣១នាក់(ឆ្នាំ២០១៧ ចំនួន៥.០០០នាក់) និទ្ទេសD មានចំនួន១៣.៩៩៩នាក់(ឆ្នាំ២០១៧ ចំនួន៩.១២៣នាក់) និងនិទ្ទេសE មានចំនួន៥៤.៦០៧នាក់ (ឆ្នាំ២០១៧ ចំនួន៤៦.៦៥៧នាក់) ។
មូលហេតុដែលបេក្ខជនទទួលបាននិទ្ទេសA B និង C ធ្លាក់ចុះបើប្រៀបធៀបនឹងឆ្នាំ២០១៧ គឺដោយសារក្រសួងអប់រំ យុវជន និងកីឡា បានបង្កើនស្តង់ដារប្រធានវិញ្ញាសាប្រឡងឱ្យខ្លាំងជាងមុន ក្នុងគោលដៅពង្រឹងគុណភាពអប់រំ និងជំរុញបេក្ខជនឱ្យខិតខំរៀនសូត្រឱ្យកាន់តែមានចំណេះដឹងជ្រៅជ្រះថែមទៀត ។
ក្នុងចំណោមបេក្ខជនទទួលបាននិទ្ទេសA ចំនួន២៩០នាក់គឺមកពី រាជធានីភ្នំពេញ១៣៥នាក់ ខេត្តសៀមរាប២១នាក់ ខេត្តកណ្តាល១៦នាក់ ខេត្តបាត់ដំបង១៥នាក់ ខេត្តតាកែវ១៥នាក់ ខេត្តកំពង់ចាម១៣នាក់ ខេត្តកំពត១១នាក់ ខេត្តត្បូងឃ្មុំ៩នាក់ ខេត្តកំពង់ធំ៩នាក់ ខេត្តកំពង់ឆ្នាំង៩នាក់ ខេត្តបន្ទាយមានជ័យ៩នាក់ ខេត្តព្រៃវែង៨នាក់ ខេត្តក្រចេះ៦នាក់ ខេត្តពោធិ៍សាត់៤នាក់ ខេត្តស្វាយរៀង៣នាក់ ខេត្តកំពង់ស្ពឺ៣នាក់ ខេត្តព្រះសីហនុ៣នាក់ និងខេត្តរតនគិរី១នាក់ ។
ដោយឡែក យោងតាមសេចក្តីប្រកាសព័ត៌មានស្តីពីការដាក់វិន័យបេក្ខជននៅក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី២០ ខែសីហា ឆ្នាំ២០១៨ អង្គប្រជុំក្រុមប្រឹក្សាវិន័យរបស់ក្រសួងអប់រំ យុវជន និងកីឡា ដោយមានការចូលរួមពីតំណាងរបស់អង្គភាពប្រឆាំងអំពើពុករលួយផងដែរ បានសម្រេចដាក់វិន័យចំពោះបេក្ខជនដែលបានប្រព្រឹត្តខុសឆ្គងផ្ទុយនឹងបទប្បញ្ញត្តិ និងកម្រិតវិន័យ ហើយត្រូវ
បានកំណត់ឱ្យធ្លាក់ជាស្វ័យប្រវត្តិចំនួន១៧នាក់ ក្នុងនោះមានករណីប្រើប្រាស់ទូរស័ព្ទ៣នាក់ ករណីយកសំណៅឯកសារនិងទូរស័ព្ទចូលក្នុងបន្ទប់ប្រឡង៦នាក់ ករណីយកនាឡិកាដៃSmart Watchចូលក្នុងបន្ទប់ប្រឡង១នាក់ និងករណីរកឃើញមានសញ្ញាសម្គាល់អាគតដ្ឋាន(ដំណើរសេចក្តីឬរឿង)នៅលើសន្លឹកកិច្ចការបេក្ខជន៧នាក់ ។
ករណីបេក្ខជនដែលបានប្រព្រឹត្តខុសឆ្គងខាងលើ បានកើតឡើងនៅតាមមណ្ឌលសំណេរមួយចំនួននៅក្នុងខេត្តស្ទឹងត្រែង១នាក់ ខេត្តក្រចេះ១នាក់ ខេត្តស្វាយរៀង១នាក់ ខេត្តសៀមរាប១នាក់ ខេត្តកណ្តាល១នាក់ ខេត្តរតនគិរី១នាក់ខេត្តព្រះសីហនុ១នាក់ ខេត្តកំពង់ចាម១នាក់ ខេត្តបន្ទាយមានជ័យ៣នាក់ និងរាជធានីភ្នំពេញ៦នាក់។ បេក្ខជនដែលត្រូវបានកំណត់ឱ្យធ្លាក់ជាស្វ័យប្រវត្តិ មានលំដាប់ពិន្ទុ០.០០ នៅលើបញ្ជីប្រ
កាសលទ្ធផលប្រឡង ។
ចែករំលែកព័តមាននេះ