ខេត្តរតនគីរី ៖ សមត្ថកិច្ចប៉ូលិសចំនួន២ស្រុកសហការជាមួយប៉ូលិសខេត្តបានចាប់ឃាត់ខ្លួនជនសង្ស័យម្នាក់ដោយយកកាំបិតប៉័ងតោកាប់បុរសម្នាក់ចំនួន៣កាំបិតប៉័ងតោ ហើយជនសង្ស័យរត់គេចខ្លួនបាន៦ថ្ងៃ ត្រូវប៉ូលិសចាប់ដាក់ខ្នោះដៃជាប់ ។
ក្នុងករណីសមត្ថកិច្ចចាប់ជនសង្សយ័បានកាលពីវេលាម៉ោង៣និង៣០នាទីរសៀលថ្ងៃទី៩ ខែកញ្ញា ឆ្នាំ
២០១៨ នៅចំណុចក្រុមហ៊ុនដីសម្បទានមានឈ្មោះចំការដូងប្រេង ស្ថិតនៅក្នុងភូមិជយ័ឧត្ដម ឃុំជយ័ឧត្ដម ស្រុកលំផាត់ ។
បើតាមរបាយការណ៏របស់សមត្ថកិច្ចបានឱ្យដឹងថា ជនសង្ស័យខាងលើឈ្មោះសុំ ប្រាជ្ញា ភេទប្រុស អាយុ៣៤ឆ្នាំ មុខរបកម្មករចៀរជ័រកៅស៊ូ ស្នាក់នៅភូមិគងយុ ឃុំប៉ាតេ ស្រុកអូយ៉ាដាវ មានស្រុកកំណើតនៅស្រុកចន្ទ្រា ខេត្តស្វាយរៀង ។ ចំណែកជនរងគ្រោះឈ្មោះអ៊ុក នឿន ភេទប្រុស អាយុ៣២ឆ្នាំ មុខរបកម្មករសំណង់ រស់នៅភូមិគង់យុ ឃុំប៉ាតេ ស្រុកអូយ៉ាដាវ ជនរងគ្រោះខាងលើ ត្រូវបានជនសង្ស័យយកកាំបិតប៉័ងតោកាប់ត្រូវចំនួន២កន្លែង គឺត្រូវចំចិញ្ចើមខាងឆ្វេង១កាំបិត និងត្រូវចំឆ្អឹងជំនីរខាងឆ្វេងចំនូន២កាំបិត បណ្ដាលអោយជនរងគ្រោះរងរបួសយ៉ាងធ្ងន់ធ្ងរ បច្ចុប្បន្នជនរងគ្រោះកំពុសម្រាកព្យាបាលនៅមន្ទីពេទ្យបង្អែកខេត្តរតនគីរី។
សមត្ថកិច្ចដដែលបានបន្តទៀតថា ហេតុការណ៍កាប់ប្រហារគ្នានោះបានកើតឡើងតាំងពីកាលពីវេលាម៉ោង៨និង៣០នាទីយប់ថ្ងៃទី៣ ខែកញ្ញា ឆ្នាំ២០១៨ ក្នុងរោងចំការកៅស៊ូរបស់លោកកៅគង់ស្ថិតនៅក្នុងភូមិគង់យុ ឃុំប៉ាតេ ស្រុកអូយ៉ាដាវ។
ទាក់ទិននឹងករណីខាងលើ មុនកើតហេតុ ជនរងគ្រោះនិងជនសង្ស័យ ព្រមទាំងមានមិត្តភក្តិ៣ទៅ៤នាក់ទៀតបាននាំគ្នាទិញស្រាបៀរមួយកេសមកផឹក ស្រាប់តែមានទំនាស់ពាក្យសម្ដីគ្នារឿងជនសង្ស័យ ហើយជនសង្ស័យក៏ត្រឡប់ទៅផ្ទះវិញឈប់ផឹកស្រា ចំណែកជនរងគ្រោះបានតាមទៅហៅជនសង្ស័យដល់ផ្ទះដោយស្លៀកក្រមា ហើយជនរងគ្រោះធ្លាប់ញ៉ែប្អូនស្រីបង្កើតរបស់ជនសង្ស័យជាយូរខែផងនោះ ក៏កើតជាជំលោះពាក្យសម្ដីយ៉ាងតឹងសរសៃកដាក់គ្នា។
ប្រភពដដែលបានបន្តថា ជនរងគ្រោះបានហក់ទៅវាយជនសង្ស័យមុនចំនួន៣ទៅ៤ដៃធ្វើអោយជនសង្ស័យខឹងបានទាញកាំបិតប៉័ងតោមកកាប់ជនរងគ្រោះចំនួន៣កាំបិត បណ្ដាលឱ្យជនរងគ្រោះរងរបួសធ្ងន់ ហូរឈាមពេញខ្លូន ។
បច្ចុប្បន្នជនសង្ស័យកំពុងត្រូវសមត្ថកិច្ចឃុំខ្លួនបណ្ដោះអាសន្ននៅអធិការនគបាលស្រុកអូយ៉ាដាវ និងកសាងសំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់ ៕
ចែករំលែកព័តមាននេះ