ទីភា្នក់ងារព័ត៌មានបរទេសផ្សាយថា ភាពយន្តរឿង «Roma» សមិទ្ធិផលរបស់លោក Alfonso Cuaron អ្នកដឹកនាំរឿងដ៏ល្បីជនជាតិម៉ិកស៊ិកបានទទួលពានរង្វាន់ «តោមាស» នៅក្នុងមហោស្រពភាពយន្តអន្តរជាតិ២០១៨ នៅក្រុងវ៉េនីស…
ទីភា្នក់ងារព័ត៌មានបរទេសផ្សាយថា ភាពយន្តរឿង «Roma» សមិទ្ធិផលរបស់លោក Alfonso Cuaron អ្នកដឹកនាំរឿងដ៏ល្បីជនជាតិម៉ិកស៊ិកបានទទួលពានរង្វាន់ «តោមាស» នៅក្នុងមហោស្រពភាពយន្តអន្តរជាតិ២០១៨ នៅក្រុងវ៉េនីស ប្រទេសអុីតាលី ។
មហោស្រពភាពយន្តអន្តរជាតិប្រចាំឆ្នាំ២០១៨ គឺជាលើកទី៧៥ បានរៀបចំឡើងកាលពីថ្ងៃទី២៩ ខែសីហា ដល់ថ្ងៃទី៨ ខែកញ្ញា ឆ្នាំ២០១៨ និងមានភាពយន្តចំនួន២១រឿងនៅទូទាំងពិភពលោកបានដាក់បញ្ខាំងដើម្បីដណ្ដើមពានរង្វាន់ «តោមាស» ដែលជាពានសម្រាប់អ្នកដឹងនាំរឿងល្អបំផុត ។
ខ្សែភាពយន្តដែលទទួលបានរង្វាន់នៅក្នុងឆ្នាំនេះគឺរឿង«Roma» បានរៀបរាប់លើរឿងរ៉ាវក្រុមគ្រួសាររបស់ស្ត្រីនៅក្នុងទីក្រុង ដែលបំរើការជាមេផ្ទះដល់ក្រុមគ្រួសារនៅប្រទេសម៉ិកស៊ិកក្នុងទសវត្ស១៩៧០ ជាសមិទ្ធិផលរបស់លោក Alfonso Cuaron អ្នកដឹកនាំរឿងជនជាតិម៉ិកស៊ិក ។
ចំណែកអ្នកវិភាគភាគច្រើនយល់ឃើញថារឿង «Roma» ជាសមិទ្ធិផលដ៏ល្អបំផុតរបស់លោកCuaron ព្រោះរ៉ូម៉ាគឺជាខណ្ឌមួយនៅក្រុងម៉ិកស៊ិកកូ ហើយលោកក៏បានរស់នៅទីនោះ ។ ក្រៅពីនេះ «Roma» គឺជារឿងដំបូងបានឈ្នះរង្វាន់ «តោមាស» នៅក្នុងមហោស្រពភាពយន្តអន្តរជាតិ២០១៨ ៕
ចែករំលែកព័តមាននេះ