ខេត្តសៀមរាប ៖ បុរស ម្នាក់ស្រវឹងជាប្រចាំ និងសតិមិនគ្រប់ផងនោះ បានសម្រេចចិត្តធ្វើអត្តឃាតដោយយកខ្សែនីឡុងពណ៌សចងកសម្លាប់ខ្លួនទំលាក់ខ្លួនពីផ្ទះរបស់ខ្លួនកំពស់២,៥ម៉ែត្រ ។ ហេតុការណ៍នេះបានបង្កឱ្យមានការភ្ញាក់ផ្អើលពេញភូមិកាលពីព្រឹកព្រលឹម ថ្ងៃទី៩ ខែកញ្ញាឆ្នាំ២០១៨…
ខេត្តសៀមរាប ៖ បុរស ម្នាក់ស្រវឹងជាប្រចាំ និងសតិមិនគ្រប់ផងនោះ បានសម្រេចចិត្តធ្វើអត្តឃាតដោយយកខ្សែនីឡុងពណ៌សចងកសម្លាប់ខ្លួនទំលាក់ខ្លួនពីផ្ទះរបស់ខ្លួនកំពស់២,៥ម៉ែត្រ ។ ហេតុការណ៍នេះបានបង្កឱ្យមានការភ្ញាក់ផ្អើលពេញភូមិកាលពីព្រឹកព្រលឹម ថ្ងៃទី៩ ខែកញ្ញាឆ្នាំ២០១៨ ស្ថិតនៅភូមិរលំទូក ឃុំស្វាយលើ ស្រុកស្វាយលើ ខេត្តសៀមរាប។
បើតាមសមត្ថកិច្ចនគរបាលស្រុកស្វាយលើបានឱ្យដឹងថា ជនរងគ្រោះដែលស្លាប់ឈ្មោះ ភួង ម៉ួក ភេទប្រុស អាយុ៤៨ឆ្នាំ មានទីលំនៅភូមិរលំទូក ឃុំស្វាយលើ ស្រុកស្វាយលើ ខេត្តសៀមរាប ។
បើតាមការបំភ្លឺពីឈ្មោះម៉ួក មន ត្រូវជាកូនស្រីបង្កើតរបស់ជនរងគ្រោះបានប្រាប់សមត្ថកិច្ចឱ្យដឹងថា ឪពុករបស់គាត់ ត្រូវប្រពន្ធស្លាប់ចោលអស់រយៈពេល៥ឆ្នាំមកហើយ ចាប់ពីពេលនោះមក ឪពុករបស់គាត់មានវិប្បត្តិ ចេះតែដើរផឹក ពុំធ្វើការរកស៊ី អ្វីទេ គឺដើរតែផឹកដេកដួល តាមដងផ្លូវជារៀងរាល់ដង ប៉ុន្តែត្រូវបានអ្នកភូមិជួយសង្គ្រោះជាញឹកញាប់ ។ ២ទៅ៣ថ្ងៃមុនពេលកើតហេតុ ឪពុករបស់គាត់បានឡើងរុះរើក្តារផ្ទះ ដោយឪពុករបស់គាត់បាននិយាយថា ផ្ទះនោះចង្រៃនៅមិនកើតទេ ហើយឪពុករបស់គាត់រត់ចូលព្រៃដូចមនុស្សឆ្កួត លុះមកដល់ចន្លោះម៉ោង៥ទៅ៦ព្រឹកថ្ងៃទី៩ ខែកញ្ញា ២០១៨ ទើបគាត់ប្រទះឃើញឪពុកចងកសម្លាប់ខ្លួនស្លាប់បាត់តែម្តង។
តាមការបញ្ជាក់ពីសាច់ញាតិ និងតាមការពិនិត្យរបស់សមត្ថកិច្ចជំនាញបានឱ្យដឹងថា ជនរងគ្រោះជាមនុស្សញៀនស្រាជាប្រចាំ និងធ្វើឱ្យង្វេងស្មារតី និងពិតជាស្លាប់ដោយសារចងកសម្លាប់ខ្លួនឯងពិតប្រាកដមែន ពុំមានជាប់ពាក់ព័ន្ធនឹងករណីឃាតកម្មនោះឡើយ ។ បច្ចុប្បន្នសពជនរងគ្រោះត្រូវបានកម្លាំងសមត្ថកិច្ចប្រគល់ជូនគ្រួសារដើម្បីយកទៅធ្វើ បុណ្យតាមប្រពៃណីនៅភូមិឃុំខាងលើ៕
ចែករំលែកព័តមាននេះ