ខេត្តកំពង់ធំ ៖ ស្ត្រីវ័យចំណាស់មានជំងឺប្រចាំកាយចុះងូតទឹកស្រះក៏បានលង់ស្លាប់ ករណីស្ត្រីម្នាក់លង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីវេលាម៉ោង១២និង០០នាទីថ្ងៃត្រង់ ថ្ងៃទី០៨ ខែកញ្ញា ឆ្នាំ២០១៨ ស្ថិតនៅភូមិតាឌុក ឃុំបល្ល័ង្ក…
ខេត្តកំពង់ធំ ៖ ស្ត្រីវ័យចំណាស់មានជំងឺប្រចាំកាយចុះងូតទឹកស្រះក៏បានលង់ស្លាប់ ករណីស្ត្រីម្នាក់លង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីវេលាម៉ោង១២និង០០នាទីថ្ងៃត្រង់ ថ្ងៃទី០៨ ខែកញ្ញា ឆ្នាំ២០១៨ ស្ថិតនៅភូមិតាឌុក ឃុំបល្ល័ង្ក ស្រុកបារាយណ៍ ខេត្តកំពង់ធំ ។
សមត្ថកិច្ចនគរបាលបានឲ្យដឹងថា ជនរងគ្រោះឈ្មោះ ចេត សេង ភេទស្រី អាយុ៦២ឆ្នាំ រស់នៅភូមិកើតហេតុ ។
បើយោងតាមការឲ្យដឹងពីអ្នកស្រុកក្នុងភូមិនិយាយថា ជនរងគ្រោះមានជំងឺប្រចាំកាយជាយូរខែឆ្នាំមកហើយ នៅមុនពេលកើតហេតុខាងលើគេឃើញស្ត្រីជាជនរងគ្រោះចុះងូតទឹកស្រះតែម្នាក់ឯងក៏បណ្តាលឲ្យលង់ទឹកស្លាប់តែម្តងទៅ ។
ក្រោយពីទទួលបានព័ត៌មាននេះសមត្ថកិច្ចប៉ុស្តិ៍បានសហការគ្នាចុះទៅពិនិត្យសាកសពឃើញថា ស្ត្រីរងគ្រោះពិតជាលង់ទឹកស្រះស្លាប់ប្រាដកមែនក៏ប្រគល់ឲ្យសាច់ញាតិចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ