ខេត្តរតនគីរី ៖ បុរសម្នាក់ចូលគុក និងម្នាក់ទៀតទៅមណ្ឌលកែប្រែ បន្ទាប់ពីសមត្ថកិច្ចប៉ូលិសក្រុងបានលុងសហការប៉ូលិសជំនាញការិយាល័យគ្រឿងញៀនខេត្តចុះបង្ក្រាបកាលពីវេលាម៉ោង១២និង៣០នាទីថ្ងៃត្រង់ថ្ងៃទី៧ ខែកញ្ញា ឆ្នាំ២០១៨ ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង។…
ខេត្តរតនគីរី ៖ បុរសម្នាក់ចូលគុក និងម្នាក់ទៀតទៅមណ្ឌលកែប្រែ បន្ទាប់ពីសមត្ថកិច្ចប៉ូលិសក្រុងបានលុងសហការប៉ូលិសជំនាញការិយាល័យគ្រឿងញៀនខេត្តចុះបង្ក្រាបកាលពីវេលាម៉ោង១២និង៣០នាទីថ្ងៃត្រង់ថ្ងៃទី៧ ខែកញ្ញា ឆ្នាំ២០១៨ ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង។
ការចុះបង្ក្រាបខាងលើសមត្ថកិច្ចបានអោយដឹងថា ចាប់បានជនសង្ស័យម្នាក់ឈ្មោះជាសុភក្ត្រ័ អាយុ៣៥ឆ្នាំ មានទីលំនៅភូមិឃុំខាងលើ ។ សមត្ថកិច្ចដកហូតបានវត្ថុតាងរួមមានថ្នាំញៀនចំនួន១៣កញ្ចប់ និងសម្ភារជក់មួយចំនួន ហើយសមត្ថកិច្ចបានធ្វើការត្រួតពិនិត្យទឹកនោមរកឃើញថាមានសារធាតុញៀន។
បច្ចុប្នន្នជនសង្ស័យកំពុងឃុំខ្លួនបណ្ដោះអាសន្ននៅអធិការក្រុងបានលុងនឹងកសាងសំរឿងទៅតុលាការខេត្តចាត់ការតាមនីតិវិធីច្បាប់។
ដោយឡែកករណីមួយទៀតនៅថ្ងៃដដែលនេះដែរ សមត្ថកិច្ចក្រុងនិងសមត្ថកិច្ចខេត្តបានបញ្ជួនយុវជនម្នាក់ទៅមណ្ឌលកែប្រែភ្នំបាក់ជីវិតថ្មីនៅខេត្តបន្ទាយមានជយ័។
សមត្ថកិច្ចដដែលបានបញ្ជាក់ថា យុវជនខាងលើឈ្មោះគង់ រិទ្ធី ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅក្រុងបានលុង។
សមត្ថកិច្ចបានបញ្ជាក់ថាដោយមានការស្នើសុំពីអាណាព្យាបាល ព្រោះតែមូលហេតុយុវជនខាងលើតែងតែវាយបំផ្លិចបំផ្លាញទ្រព្យសម្បត្តិក្នុងផ្ទះអស់ជាច្រើន និងញឹកញាប់ពេក ដោយសារយុវជនខាងលើសេពថ្នាំញៀនលើសចំណុះផងនោះ ទើបបញ្ជូនយុវជនខាងលើទៅមណ្ឌលកែប្រែ ៕
ចែករំលែកព័តមាននេះ