ខេត្តកំពង់ធំ ៖ ចោរលួចគាស់ឥវ៉ាន់តូបមានគ្នាប្រាំនាក់ សមត្ថកិច្ចក្របួចបានបីរត់រួចពីរនាក់ ករណីមុខសញ្ញាចោរលួចគាស់តូបលួចសម្ភារខាងលើនេះត្រូវសមត្ថកិច្ចចេញល្បាតឃាត់ខ្លួនបានចំនួនបីនាក់ កាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី០៨ ខែកញ្ញា ឆ្នាំ២០១៨ ស្ថិតនៅក្នុងផ្សារស្ទោង ខេត្តកំពង់ធំ…
ខេត្តកំពង់ធំ ៖ ចោរលួចគាស់ឥវ៉ាន់តូបមានគ្នាប្រាំនាក់ សមត្ថកិច្ចក្របួចបានបីរត់រួចពីរនាក់ ករណីមុខសញ្ញាចោរលួចគាស់តូបលួចសម្ភារខាងលើនេះត្រូវសមត្ថកិច្ចចេញល្បាតឃាត់ខ្លួនបានចំនួនបីនាក់ កាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី០៨ ខែកញ្ញា ឆ្នាំ២០១៨ ស្ថិតនៅក្នុងផ្សារស្ទោង ខេត្តកំពង់ធំ ។
លោកវរសេនីយ៍ទោ វ៉ន សុភ័ណ អធិការរងនគរបាលស្រុកស្ទោងទទួលផ្នែងព្រហ្មទណ្ឌបានឲ្យដឹងថា ជនសង្ស័យក្រុមចោរលួចគាស់តូបយកសំលៀកបំពាក់ខាងលើដែលកម្លាំងរបស់យើងចុះល្បាតឃើញនឹងឃាត់ខ្លួនបានចំនួន០៣នាក់ ក្នុងចំណោម០៥នាក់រួមមានទី១- ឈ្មោះ ចូច ចឺម ភេទប្រុស អាយុ១៨ឆ្នាំ មុខរបរមិនពិតប្រាកដ (ឃាត់ខ្លួន) ទី២- ឈ្មោះ ឡេក រី ភេទប្រុស អាយុ១៧ឆ្នាំ មុខរបរមិនពិតប្រាកដ (ឃាត់ខ្លួន) ទី៣- ឈ្មោះ អ៊ីម អ៊ុំ ភេទប្រុស អាយុ១៨ ឆ្នាំ មុខរបរមិនពិតប្រាកដ (រត់គេចខ្លួនបាត់) ទី៤- ឈ្មោះ វ៉េង លីន ភេទប្រុស អាយុ១៨ឆ្នាំ មុខរបរមិនពិតប្រាកដ(រត់គេចខ្លួន) អ្នកទាំង០៤នាក់ រស់នៅភូមិបេង ឃុំបន្ទាយស្ទោង ស្រុកស្ទោង និងទី៥- ឈ្មោះ ឈុំ រាត្រី ហៅអាត្រី ភេទប្រុស អាយុ២២ឆ្នាំ មុខរបរមិនពិតប្រាកដ (ឃាត់ខ្លួន) មានទីលំនៅភូមិ ឃុំបន្ទាយស្ទោង ស្រុកស្ទោង ។
ចំពោះវត្ថុតាងមានខោអាវមួយចំនួន និងម៉ូតូពីរគ្រឿងដែលពួកគេជិះធ្វើសកម្មភាពគាស់តូបលួចយករបស់ជនរងគ្រោះជាម្ចាស់តូបចំនួន០៣នាក់ ទី១. ឈ្មោះ ឡោ ជូសាន ភេទស្រី អាយុ៦៧ឆ្នាំ មុខរបរអាជីវករ មានទីលំនៅភូមិឈើទាល ឃុំកំពង់ចិនត្បូង ស្រុកស្ទោង ២.ឈ្មោះ នាវ សុកាន ភេទប្រុស អាយុ៤៤ឆ្នាំ មុខរបរអាជីវករ មានទីលំនៅភូមិកំពង់ក្ដី ឃុំកំពង់ចិនត្បូង និងទី៣.ឈ្មោះ ង៉ូវ មុយសុខ ភេទស្រី អាយុ៦៥ឆ្នាំ មុខរបរអាជីវករ ទីលំនៅភូមិលាបទង ឃុំកំពង់ចិនត្បូង ។
ករណីខាងលើនេះដែរ សមត្ថកិច្ចយើងកំពង់ស្រាវជ្រាវតាមចាប់ខ្លួនជនសង្ស័យចំនួនពីរនាក់ទៀតផងដែរ ៕
ចែករំលែកព័តមាននេះ