ខេត្តបាត់ដំបង៖ ក្នុងវិស័យសិក្សាអប់រំរបស់សាកលវិទ្យាល័យអន្តរជាតិឌូវីក្នុងខេត្តបាត់ដំបងដោយមានការរីកចម្រើនជឿនលឿនបែបទាន់សម័យនិងតម្រូវការពេលបច្ចុប្បន្ននោះបានពង្រីកសាលាអន្តរជាតិឌូវីមួយទៀតដោយបានដាក់ឈ្មោះថាឌូវីឆាល់ឃែរមានទីតាំងនៅភូមិព្រែកព្រះស្តេចសង្កាត់ព្រែកព្រះស្តេចក្រុងបាត់ដំបង(ខាងកើតស្ពានថ្មចាស់)សម្រាប់ទទួលក្មេងពីអាយុ១ឆ្នាំដល់៥ឆ្នាំយក មកមើលថែរក្សានិងបង្រៀនចាប់តាំងពីពេលព្រឹករហូតទល់ល្ងាចដើម្បីជួយកាត់បន្ថយការលំបាករបស់គ្រួសារណាដែលមានការជាប់រវល់ហើយមិនបានមើលថែរទាំកូនចៅឲ្យបានដិតដល់។
លោកខែម រស្មី សកលវិទ្យាធិការនៃសាកលវិទ្យាល័យឌូវីបានបញ្ជាក់ថា លោកបានទទួលជំនួយនិងបច្ចេកទេសពីអ្នកជំនាញមកពីប្រទេសសឹង្ហបូរី និងសហរដ្ឋអាមេរិកដោយមានអ្នកថែរទាំនិងអ្នកគ្រូបរទេសដែលនិយាយជាភាសាអង់គ្លេសជាភាសាដើមកំណើតប្រកបទៅដោយបទពិសោធន៍និងគរុកោសល្យវិជ្ជាជីវះខ្ពស់ក្នុងការអប់រំថែរទាំនិងបង្រៀនក្មេង មកបម្រើការងារក្នុងសាលាឌូវីឆាល់ឃែរនេះ ។
លើសពីនេះទៀត ការរៀបចំបន្ទប់សិក្សា បន្ទប់លេងកម្សាន្ត បន្ទប់សម្រាកពេលថ្ងៃត្រង់ បន្ទប់ញាំអាហារ បន្ទប់ពិនិត្យសុខភាព សម្រាប់ក្មេង និងសិស្សានុសិស្ស ប្រកបដោយសម្ភារៈសិក្សាកម្សាន្តសំបូរបែបតាមកម្រិតស្តង់ដារអន្តរជាតិយកមកបោះទីតាំងនៅបាត់ដំបងនេះ តាមតម្រូវការដ៏ចាំបាច់បំផុត។ ក្នុងនោះសាលាបានទទួលធានាទាំងសុខភាព សុវត្ថិភាព ដែលមានទាំងគ្រូពេទ្យនិងគ្រូបង្រៀនប្រចាំការ ថែរទាំជាប់ជានិច្ច ដោយធានាបាននូវគុណភាពក្នុងទម្លាប់ល្អ។
ហើយចំពោះភាសាអង់គ្លេសគឺបានស្តាប់រៀននឹងយល់ដឹងពីសូរស័ព្ទដើមពីគ្រូបរទេសផ្ទាល់ដែលមានបទពិសោធន៍ខ្ពស់អាចឲ្យក្មេងឆាប់យល់ចេះដឹង នឹងនិយាយបានមានរយះពេលខ្លីបំផុត សំខាន់គឺការចេះដឹងវិវត្តន៍ទៅតាមកាលះទេសះសង្គមដែលរាជរដ្ឋាភិបាលបានកំណត់មកក្នុងកម្រិតនៃការអប់រំឲ្យមានចំណេះដឹងល្អ។ សូមបញ្ជាក់ថា សាលារៀន ឌូវីឆាល់ឃែរនឹងចាប់បើកឲ្យដំណើរការនៅថ្ងៃទី២៤ ខែឧសភា ឆ្នាំ២០១៣ នាពេលខាងមុខនេះ។ សុង ហាក់
ចែករំលែកព័តមាននេះ