រាជធានីភ្នំពេញ ៖ យុវតីជានិស្សិតឆ្នាំទី១ និងជាបុគ្គលិករបស់ក្រុមហ៊ុមលក់ថ្នាំពេទ្យ Healol ម្នាក់ បានបែកក្បាលស្លាប់នៅក្នុងថ្លុកឈាមយ៉ាងអាណោចអាធ័មទាំងព្រឹក ខណៈដែលរូបនាងបានជិះម៉ូតូម៉ាកស្គូបពីមួយគ្រឿងទើបចេញពីផ្ទះទៅធ្វើការនៅតាមផ្លូវ ហើយបានទាក់ដៃចង្កូតជាមួយនឹងម៉ូតូមួយគ្រឿងទៀតដួល ស្របពេលនោះក៏ស្រាប់តែមានម៉ូតូរ៉ឺម៉កមួយគ្រឿង(ទំនងជាដឹកធ្ងន់)…
រាជធានីភ្នំពេញ ៖ យុវតីជានិស្សិតឆ្នាំទី១ និងជាបុគ្គលិករបស់ក្រុមហ៊ុមលក់ថ្នាំពេទ្យ Healol ម្នាក់ បានបែកក្បាលស្លាប់នៅក្នុងថ្លុកឈាមយ៉ាងអាណោចអាធ័មទាំងព្រឹក ខណៈដែលរូបនាងបានជិះម៉ូតូម៉ាកស្គូបពីមួយគ្រឿងទើបចេញពីផ្ទះទៅធ្វើការនៅតាមផ្លូវ ហើយបានទាក់ដៃចង្កូតជាមួយនឹងម៉ូតូមួយគ្រឿងទៀតដួល ស្របពេលនោះក៏ស្រាប់តែមានម៉ូតូរ៉ឺម៉កមួយគ្រឿង(ទំនងជាដឹកធ្ងន់) បានមកបុក និងកិនពីលើនាងបន្ថែម រួចហើយនាំគ្នាបើករត់គេចខ្លួនបាត់ស្រមោលអស់នោះ ។
ហេតុការណ៍នេះដែរបានកើតឡើងនៅវេលាម៉ោង០៨និង៣០នាទីព្រឹក ថ្ងៃទី០៨ ខែកញ្ញា ឆ្នាំ២០១៨ នៅចំណុចខាងមុខក្រុមហ៊ុន ហុងដា ផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីនគេបាលចរាចរណ៍ខណ្ឌចំការមនបានប្រាប់ឱ្យដឹងថា ជនរងគ្រោះមានឈ្មោះ លី សៀវហ្វុង ភេទស្រី អាយុ១៩ឆ្នាំ មុខរបរជានិស្សិត និងជាបុគ្គលិករបស់ក្រុមហ៊ុនលក់ថ្នាំពេទ្យមួយឈ្មោះ Healol ស្នាក់នៅផ្ទះលេខ១៤៥ ផ្លូវលំ ភូមិព្រះពន្លា ក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
មុនពេលកើតហេតុក្មេងស្រីរងគ្រោះបានជិះម៉ូតូម៉ាកស្គូបពី ពណ៌ស ពាក់ផ្លាកលេខ ភ្នំពេញ ១FA-១៣៣៥ មួយគ្រៀងតាមបណ្តោយផ្លូវព្រះមុនីវង្ស ក្នុងទិសដៅពីត្បូងទៅជើងតែម្នាក់ឯងក្នុងគោលបំណងទៅកន្លែងធ្វើការរបស់នាង ។
តាមប្រភពដដែលបានប្រាប់បន្តទៀតថា លុះមកដល់ចំណុចកើតហេតុខាងលើម៉ូតូរបស់នាងក៏បានទាក់ដៃចង្កូតជាមួយនឹងម៉ូតូមិនស្គាល់ម៉ាកមួយគ្រឿងទៀតដួលទៅលើផ្លូវ ស្របពេលនោះក៏ស្រាប់តែមានម៉ូតូរ៉ឺម៉កដឹកទំនិញមួយគ្រឿងបានបើកមកបុក និងកិនលើនាងបណ្តាលឱ្យបែកក្បាលស្លាប់ក្នុងថ្លុកឈាមភ្លាមៗតែម្តង រួចហើយទាំងម៉ូតូ និងម៉ូតូរ៉ឺម៉កនោះបាននាំគ្នាបន្តដំណើរបើករត់គេចខ្លួនបាត់ស្រមោលអស់គ្មានសល់ឡើយ ។
ពាក់ព័ន្ធទៅនឹងករណីនេះដែរកម្លាំងរបស់លោកមិនទាន់បានដឹងច្បាស់ថា ម៉ូតូរបស់នាងពិតជាបានទាក់ដៃចង្កូតម៉ូតូដូចគ្នា ឬក៏ជាមួយរថយន្តនោះអោយច្បាស់លាស់ឡើយទើបបណ្តាល អោយដួលហើយត្រូវបានម៉ូតូរ៉ឺម៉កមួយគ្រឿងទៀតមកកិននាងអោយស្លាប់បែបនេះនោះទេ ដោយកំពុងតែធ្វើការស្រាវជ្រាវជាបន្តទៅទៀតផងដែរ ។
តាមប្រភពពីក្រុមបុគ្គលិកដែលបម្រើការក្នុងក្រុមហ៊ុន Healol បានរៀបរាប់ប្រាប់ឱ្យដឹងថា ក្រោយពីមានការភ្ញាក់ផ្អើលដោយបានប្រទះឃើញនារីម្នាក់គ្រោះថ្នាក់ចរាចរណ៍បែកក្បាលស្លាប់នៅលើផ្លូវនោះពួកគាត់ក៏បាននាំគ្នាមកមើលទើបបានដឹងថា នាងគឺជាបុគ្គលិកដែលបម្រើការងារនៅក្នុងក្រុមហ៊ុនជាមួយពួកលោកដែលមានឈ្មោះ លី សៀវហ្វុង នេះតែម្តង ។
តាមប្រភពដដែលបានប្រាប់បន្តទៀតថា នាងទើបតែបានចូលមកបម្រើការងារនៅក្នុងក្រុមហ៊ុនលក់ថ្នាំទេព្យជាមួយនឹងពួកលោកនេះគឺចាប់តាំងពីថ្ងៃទី១៦ ឬ១៧ ខែសីហា ឆ្នាំ២០១៨ កន្លងមកនេះទើបតែបានរយះពេលជិតមួយខែប៉ុណ្ណោះ ក្រៅពីការងារនេះនាងក៏ជានិស្សិតឆ្នាំទី១ម្នាក់ផងដែរ ។
ក្រោយពេលកើតហេតុកម្លាំងមានសម្ថកិច្ចក៏បានចុះមកដល់កន្លែងកើតហេតុដោយបានធ្វើការប្រគល់សពយុវតីរងគ្រោះទៅអោយក្រុមគ្រួសាររបស់នាងយកទៅធ្វើបុណ្យទៅតាមប្រពៃណី ចំណែកឯម៉ូតូម៉ាកស្គូបពីរបស់នាងត្រូវបានយកទៅរក្សាទុកនៅអធិការដ្ឋាននគរបាលខណ្ឌចំការមនដើម្បីធ្វើការស្រាវជ្រាវរកម៉ូតូ និងម៉ូតូរ៉ឺម៉កទាំង២គ្រឿងដែលពាក់ព័ន្ធយកមកធ្វើការដោះស្រាយគ្នាជាបន្តទៅទៀតផងដែរ ៕
ចែករំលែកព័តមាននេះ