ខេត្តព្រះសីហនុ ៖ ថ្ងៃទី៦ ខែកញ្ញា វេលាអធ្រាត្រ កម្លាំងនគរបាលការិយាល័យប្រឆាំងការជួញដូរមនុស្សនិងការពារអនីតិជន សហការជាមួយនគរបាលក្រុងព្រះសីហនុ បានឃាត់ខ្លួនជនជាតិចិន២នាក់ ដែលដើរផ្សព្វផ្សាយចែកខិត្តប័ណ្ណមានរូបអាសអាភាសបង្កប់ន័យបម្រើសេវាផ្លូវភេទ សម្រាប់ស្រីចិននៅចំណុចឆ្នេរអូរឈើទាល ក្នុងសង្កាត់លេខ៤ ក្រុងព្រះសីហនុ ។
ជនដែលត្រូវបានឃាត់ខ្លួននេះ ម្នាក់ឈ្មោះ Huang Ji ភេទប្រុស អាយុ៣៥ឆ្នាំ គ្មានលិខិតឆ្លងដែនជាប់ខ្លួនទេ និងម្នាក់ទៀតឈ្មោះ Xia Lu ភេទប្រុស អាយ២៦ឆ្នាំ គ្មានលិខិតឆ្លងដែនជាប់ខ្លួនដូចគ្នា ។ ក្រោយពីបានឃាត់ខ្លួន សមត្ថកិច្ចបានឈានទៅធ្វើការឆែកឆេរកន្លែងស្នាក់នៅរបស់ជនសង្ស័យនៅហាងម៉ាស្សាយីហោ SPA ស្ថិតក្នុងក្រុមទី២ ភូមិ៤ សង្កាត់លេខ៤ ក្រុងព្រះសីហនុ ចង់ដឹងតើទីនោះមានអ្វីខ្លះទៅ ។
លុះចូលទៅដល់…ម្ចាស់ថ្លើមថ្លៃអើយឃើញស្រី្តចិន រស់នៅពពាក់ពពូនសាច់សខ្ចី ក៏បាននាំខ្លួនស្ត្រីជនជាតិចិនចំនួន១០នាក់ នៅក្នុងហាងម៉ាស្សានោះមកធ្វើការសាកសួរផង ។ ជាមួយនេះ ក៏បានដកហូតវត្ថុតាងមាន ខិត្តប័ណ្ណ មានរូបអាសអាភាស៧២ប្រអប់(១ប្រអប់ស្មើនឹង៥០០សន្លឹក) សៀវភៅកត់ត្រា៣ក្បាល ស្រោមអនាម័យមិនទាន់ប្រើចំនួន៨០ស្រោមសម្រាប់ទទួលភ្ញៀវ ។ ឃើញស្រោមប្រើរួចចំនួន៥ អាយផេតម៉ាក Dinabook ១គ្រឿង កាបូបដាក់ស្រោមអនាម័យចំនួន៣ វិទ្យុទាក់ទងម៉ាក Magaband ចំនួន៣គ្រឿង។
ជនសង្ស័យទាំង២នាក់និងស្ត្រីទាំង១០នាក់ ត្រូវបានសមត្ថកិច្ចសាកសួរតាមនីតិវិធី នៅការិយាល័យប្រឆាំងការជួញដូរមនុស្សនិងការពារអនីតិជននៃស្នងការដ្ឋាននគរបាលខេត្ត ៕
ចែករំលែកព័តមាននេះ