ខេត្តបាត់ដំបង ៖ សិស្សគរុកោសល្យភូមិភាគបាត់ដំបង(៧+៣)ជំនាន់ទី១ ក្នុងឆ្នាំសិក្សា១៩៨៤-១៩៨៦ ចំនួន៧៧នាក់ មកពីខេត្តពោធិ៍សាត់, សៀមរាប និងបន្ទាយមានជ័យ បានជួបជុំគ្នាដើម្បីរៀបចំពិធីរំលឹកគុណគ្រូ និងរំលឹកអនុស្សាវរីយ៍ក្នុងវ័យសិក្សាកាលពី៣២ឆ្នាំមុន…
ខេត្តបាត់ដំបង ៖ សិស្សគរុកោសល្យភូមិភាគបាត់ដំបង(៧+៣)ជំនាន់ទី១ ក្នុងឆ្នាំសិក្សា១៩៨៤-១៩៨៦ ចំនួន៧៧នាក់ មកពីខេត្តពោធិ៍សាត់, សៀមរាប និងបន្ទាយមានជ័យ បានជួបជុំគ្នាដើម្បីរៀបចំពិធីរំលឹកគុណគ្រូ និងរំលឹកអនុស្សាវរីយ៍ក្នុងវ័យសិក្សាកាលពី៣២ឆ្នាំមុន នៅភោជនីយដ្ឋានអប្សារា ក្រុងបាត់ដំបង កាលពីល្ងាចថ្ងៃទី៧ កញ្ញា ឆ្នាំ២០១៨ ក្រោមការផ្តួចផ្តើមកម្មវិធី ដោយលោក ខូយ រីដា អភិបាលរងខេត្តពោធិ៍សាត់, លោក វ៉ាន់ សុភ័ណ្ឌ មន្ត្រីយោធភូមិភាគទី៥ ព្រមទាំងវត្តមានលោកគ្រូ អ្នកគ្រូវ័យចំណាស់ចំនួន១៣នាក់បានមកចូលរួមផងដែរ ។
ក្នុងពីធីសំណេះសំណាលនោះ លោក ខូយ រីដា អភិបាលរងខេត្តពោធិ៍សាត់ បានបញ្ជាក់ថា មកដល់ពេលនេះ គឺ៣២ឆ្នាំហើយ ក្រុមសិស្សរួមជំនាន់ប្រមាណជិត២០០នាក់ នៅមជ្ឍមណ្ឌលគរុកោសល្យភូមិភាគបាត់ដំបង មិនដែលបានជួបគ្នាសោះ តែពេលនេះ ឱកាសល្អត្រូវឆ្លៀតពេលរំលឹកការដឹងគុណចំពោះលោកគ្រូ អ្នកគ្រូ ដែលបានផ្តល់នូវចំណេះដឹង ធ្វើជាធនធានមនុស្ស ហើយយកមកបម្រើប្រទេសជាតិដោយយើងមិនបានគិតថាអ្នកមានឋានៈតូចឬធំឡើយ ព្រោះចង់បានគោលបំណងពីអតីតៈកាលជាសិស្សយុវវ័យរួមគ្នា ពេលនេះរឹតចំណងសាមគ្គីគ្នាបន្ថែមទៀត ដើម្បីរំលឹកការចងចាំពីអតីតកាល
ពេលនេះ ម្នាក់ៗបានក្លាយទៅជាយុវចាស់ មានកូនចៅស្ទើរគ្រប់គ្នា ហើយក៏មានការសោកស្តាយមិត្តរួមជំនាន់មួយចំនួនដែលត្រូវបានបាត់បង់ជីវិតដោយមិនបានមើលឃើញការរីកចំរើនរបស់ប្រទេសជាតិយើងដែលមានសម្តេចតេជោ ហ៊ុន សែន កំពុងបន្តដឹកនាំប្រទេសជាតិយើងឆ្ពោះទៅរកការរីកចំរើនជាបន្តទៅទៀត ។
ចែករំលែកព័តមាននេះ