ខេត្តកណ្តាល ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនក្នុងករណីហិង្សាដោយចេតនា ខណៈដែលកំពុងផឹកស៊ីជាមួយមិត្តភក្តិ ហើយទាស់ពាក្យសម្តីគ្នារឿងអត់សាច់ក្លែម ក៏បានយកកាំបិត និងសោដេញចាក់បណ្ដាលឲ្យរងរបួសធ្ងន់ម្នាក់។ ហេតុការណ៍នេះបានកើតឡើងកាលពីវេលាម៉ោង៦ និង៣០នាទី ថ្ងៃទី៦…
ខេត្តកណ្តាល ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនក្នុងករណីហិង្សាដោយចេតនា ខណៈដែលកំពុងផឹកស៊ីជាមួយមិត្តភក្តិ ហើយទាស់ពាក្យសម្តីគ្នារឿងអត់សាច់ក្លែម ក៏បានយកកាំបិត និងសោដេញចាក់បណ្ដាលឲ្យរងរបួសធ្ងន់ម្នាក់។ ហេតុការណ៍នេះបានកើតឡើងកាលពីវេលាម៉ោង៦ និង៣០នាទី ថ្ងៃទី៦ ខែកញ្ញា ឆ្នាំ២០១៨ ចំណុចសួនច្បារមាត់ស្ទឹង ភូមិដើមមៀន សង្កាត់ដើមមៀន ក្រុងតាខ្មៅ។
សមត្ថកិច្ចបានឲ្យដឹងថា ជនរងគ្រោះឈ្មោះ សុខ ចាន់ ភេទប្រុស អាយុ៤៤ឆ្នាំ ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ មុខរបរលក់ដូរ មានរបួសស្នាម៣កន្លែង ត្រង់កញ្ចឹងកខាងក្រោយ១កន្លែង ខ្នង១កន្លែង កំភួនដៃខាងឆ្វេង១កន្លែង។ ចំណែកជនសង្ស័យ ម្នាក់ឈ្មោះ សា តាម ភេទប្រុស អាយុ៥៧ឆ្នាំ ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅមុខ របរនៅផ្ទះ មានរបួសស្នាម១កន្លែង ត្រង់បាតដៃខាងស្តាំ។
សាក្សីបានឲ្យដឹងថា នៅមុនពេលកើតហេតុ ជនសង្ស័យបានផឹកស្រាថ្នាំម្នាក់ឯងនៅផ្ទះអស់កន្លះលីត្រ រួចក៏ដើរលេងនៅសួនច្បារមាត់ស្ទឹងតាខ្មៅ ក៏ឃើញជនរងគ្រោះកំពុងផឹកស្រាថ្នាំជាមួយមិត្តភក្តិម្នាក់ទៀតនៅលើបង់ ក៏ដើរចូលទៅផឹកជាមួយ អស់មួយកែវ រួចក៏ទាស់ពាក្យសម្ដីគ្នារឿងអតសាច់ក្លែម បន្ទាប់មកក៏បានប្រតាយប្រតប់គ្នា។
បន្ទាប់ជនសង្ស័យក៏បានយកកូនកាំបិតចាក់លើជនរងគ្រោះត្រូវ៣កន្លែងមានរបួសស្នាមហូរឈាម ហើយជនរងគ្រោះក៏បានដណ្តើមយកកូនកាំបិតបណ្តាលឲ្យមុតដៃជនសង្ស័យ ត្រង់បាតដៃខាងឆ្វេងមួយកន្លែង ហើយក៏ត្រូវសមត្ថកិច្ចឃាត់ខ្លួន។ រីឯជនរងគ្រោះត្រូវបានប្រពន្ធ ដឹកយកទៅព្យាបាលនៅមន្ទីរពេទ្យជ័យជំនះ៕
ចែករំលែកព័តមាននេះ