ខេត្តកណ្ដាល ៖ បុរសម្នាក់បានចងកធ្វើអត្តឃាតសម្លាប់ខ្លួនកាលពីវេលាម៉ោង៦និង៤០នាទីព្រឹកថ្ងៃទី៧ កញ្ញា ឆ្នាំ២០១៨ នៅចំណុចភូមិពញាឮ ឃុំពញាឮ ស្រុកពញាឮ ខេត្តកណ្ដាល ។…
ខេត្តកណ្ដាល ៖ បុរសម្នាក់បានចងកធ្វើអត្តឃាតសម្លាប់ខ្លួនកាលពីវេលាម៉ោង៦និង៤០នាទីព្រឹកថ្ងៃទី៧ កញ្ញា ឆ្នាំ២០១៨ នៅចំណុចភូមិពញាឮ ឃុំពញាឮ ស្រុកពញាឮ ខេត្តកណ្ដាល ។
ជនរងគ្រោះដែលស្លាប់ខាងលើឈ្មោះ ជា ចាន់ថន ភេទប្រុស អាយុ២៣ឆ្នាំ មានទីលំនៅភូមិកោះខ្សាច់ ឃុំមេទឹក ស្រុក បាកាន ខេត្តពោធិសាត់ ។ បច្ចុប្បន្នជាកម្មករអេតចាយ ស្នាក់នៅភូមិពញាឮ ឃុំពញាឮ ស្រុកពញាឮ ខេត្តកណ្តាល ។
តាមការបំភ្លឺរបស់ឈ្មោះ ង៉ែត សុវណ្ណ ភេទប្រុស អាយុ១៩ឆ្នាំ ជាកម្មករអេតចាយ និងដេកគ្រែជាមួយជនរងគ្រោះបានបំភ្លឺថា មុនកើតហេតុ នៅវេលាម៉ោង១០យប់ថ្ងៃទី៦ ខែកញ្ញា ឆ្នាំ២០១៨ ជនរងគ្រោះបានដើរនិយាយទូរសព្ទ័ជាង១ម៉ោង ហើយពេលត្រឡប់មកពីនិយាយទូរសព្ទ័វិញ ជនរងគ្រោះបាននិយាយប្រាប់គាត់ថា «បើមានអ្នកផ្ទះខ្ញុំតេទូរសព្ទ័មកជួយប្រាប់ផង» ។
ប្រភពដដែលបន្តថា បន្ទាប់មកជនរងគ្រោះស្លៀកពាក់ខោអាវថ្មីៗ ហើយគាត់ក៏សួរថា «បងឯងទៅណា?» តែជនរងគ្រោះមិនឆ្លើយតបវិញ រួចក៏ដើរចេញពីគ្រែដេកបាត់ទៅ ។ លុះដល់វេលាម៉ោង៦និង៤០នាទីព្រឹកថ្ងៃទី៧ ខែកញ្ញា ឆ្នាំ២០១៨ កម្មករអេតដូចគ្នាក៏បានប្រទះឃើញជនរងគ្រោះចងកនឹងខ្សែភ្លើងភ្ជាប់និងរបាដែកជញ្ជាំងរោងដាក់អេតចាយស្លាប់បាត់ហើយ បន្ទាប់មកក៏បានរាយការណ៍ជូនសមត្ថកិច្ចប៉ុស្តិ៍ ។
ក្រោយទទួលព័ត៌មានខាងលើភ្លាម កម្លាំងជំនាញបានចុះទៅដល់កន្លែងកើតហេតុ បានបង្កើតគណៈកម្មការពិនិត្យដោយមានការចូលរួមមាន៖ ពីមន្ត្រីជំនាញពាក់ពន្ធ័និងអាជ្ញាធរ ចុះដល់កន្លែងកើតហេតុធ្វើការពិនិត្យទៅលើសពរកឃើញថា ជនរងគ្រោះពិតជាបានចងកដោយខ្សែភ្លើងពណ៌ក្រហមចងភ្ជាប់នឹងរបាដែកជញ្ជាំងរោងដាក់អេតចាយ ហើយសពមានស្នាមជាំជុំវិញក ក្រៅពីនោះពុំមានស្លាកស្នាមអ្វីគួរឲ្យកត់សំគាល់ឡើយ។
ក្រោយពេលពិនិត្យរួច ផ្នែកជំនាញបានសន្និដ្ឋានថា សពពិតជាស្លាប់ដោយសារការធ្វើអត្តឃាតដោយចងកប្រាកដមែន ។ មន្ត្រីជំនាញបានប្រគល់សព ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ