ខេត្តកំពង់ស្ពឺ ៖ ក្មេងស្រីម្នាក់ ខណៈរត់ទៅលេងផ្ទះម្តាយធំនៅក្បែរគ្នាដូចសព្វមួយដង តែដោយគ្មានចាស់ ទុំតាមមើល ក៏ដើរទៅក្រោយផ្ទះស្រាប់តែរអិលជើងធ្លាក់ទឹកស្រះលង់ស្លាប់គួរឲ្យរន្ធត់ ។ ហេតុការណ៍នេះកើតឡើងកាលពីវេលាម៉ោង៩និង៣០នាទីព្រឹកថ្ងៃទី៣ ខែកញ្ញា…
ខេត្តកំពង់ស្ពឺ ៖ ក្មេងស្រីម្នាក់ ខណៈរត់ទៅលេងផ្ទះម្តាយធំនៅក្បែរគ្នាដូចសព្វមួយដង តែដោយគ្មានចាស់
ទុំតាមមើល ក៏ដើរទៅក្រោយផ្ទះស្រាប់តែរអិលជើងធ្លាក់ទឹកស្រះលង់ស្លាប់គួរឲ្យរន្ធត់ ។ ហេតុការណ៍នេះកើតឡើងកាលពីវេលាម៉ោង៩និង៣០នាទីព្រឹកថ្ងៃទី៣ ខែកញ្ញា នៅភូមិអំពៅ ឃុំអូរ ស្រុកភ្នំស្រួច ។
ប្រភពព័ត៌មានពីសមត្ថកិច្ចស្រុកភ្នំស្រួចបានឲ្យដឹងថា ក្មេងស្រីរងគ្រោះ ឈ្មោះ ផៃ សុខខេន អាយុ៥ឆ្នាំ ឪពុកឈ្មោះ ផៃ ឈុនលី ម្តាយឈ្មោះទួន សុខគា អាយុ៣០ឆ្នាំ រស់នៅក្នុងភូមិអំពៅ ឃុំអូរ ស្រុកភ្នំស្រួច ។
ប្រភពព័ត៌មានពីស្ត្រីឈ្មោះ ផៃ ធឿន អាយុ៣៥ឆ្នាំ រស់នៅក្នុងភូមិកើតហេតុខាងលើ ត្រូវជាម្តាយធំក្មេងស្រីរងគ្រោះ បានប្រាប់សមត្ថកិច្ចថា មុនពេលកើតហេតុ គាត់នៅផ្ទះម្នាក់ឯងរវល់ធ្វើការងារផ្ទះ មិនបានដឹងថាក្មួយស្រីដើរមកលេងនៅផ្ទះគាត់ទេ ។
លុះឪពុកម្តាយក្មេងស្រីរងគ្រោះ បាត់កូនមិនឃើញនៅផ្ទះ ក៏ដើរមកសួរគាត់ ហើយនាំគ្នាដើររក ក៏ប្រទះឃើញសពអណ្តែតក្នុងស្រះទឹកខាងក្រោយផ្ទះទៅហើយ ធ្វើឲ្យឪពុកម្តាយស្រែកទ្រហោយំ ស្ទុះស្រង់កូនស្រីឡើងលើគោក ដើម្បីសង្គ្រោះជីវិត តែហួសពេលទៅហើយ ៕
ចែករំលែកព័តមាននេះ