រឿងសួគ៌ នរកនេះមិនមែនមាននិយាយតែនៅក្នុងលទ្ធិព្រះពុទ្ធសាសនាទេ ក្នុងសាសនាដទៃក៏មាននិយាយដែរ ប៉ុន្តែអ្នកគោរពបូជាសាសនាភាគច្រើន តែងប្រកាន់ថា នរកមានតែនៅក្នុងលោកខាងមុខឯណោះ គឺគេមើលមិនឃើញនូវនរកបច្ចុប្បន្ននេះឡើយ ។ តាមពិតទៅក្នុងជីវិតយើងសព្វថ្ងៃនេះក៏មានឋានសួគ៌ ឋាននរកដែរ…
រឿងសួគ៌ នរកនេះមិនមែនមាននិយាយតែនៅក្នុងលទ្ធិព្រះពុទ្ធសាសនាទេ ក្នុងសាសនាដទៃក៏មាននិយាយដែរ ប៉ុន្តែអ្នកគោរពបូជាសាសនាភាគច្រើន តែងប្រកាន់ថា នរកមានតែនៅក្នុងលោកខាងមុខឯណោះ គឺគេមើលមិនឃើញនូវនរកបច្ចុប្បន្ននេះឡើយ ។
តាមពិតទៅក្នុងជីវិតយើងសព្វថ្ងៃនេះក៏មានឋានសួគ៌ ឋាននរកដែរ ដូចនៅក្នុងអាទិត្តបរិយាយសូត្រ ព្រះសម្ពុទ្ធទ្រង់ត្រាស់សម្ដែងថា ម្នាលភិក្ខុទាំងឡាយ ភ្នែក ត្រចៀក ច្រមុះ អណ្ដាត កាយ និងចិត្តសត្វលោកនេះ ត្រូវភ្លើងដុតកម្ដៅរាល់ថ្ងៃ។ តើភ្លើងនោះជាភ្លើងអ្វីទៅ? ភ្លើងនោះគឺភ្លើង រាគៈ ទោសៈ មោហៈ ដែលពោលឱ្យងាយស្តាប់គឺភ្លើង ជាតិ ជរា ព្យាធិ មរណៈ ទុក្ខ សោក នេះឯងដែលចាត់ថាជាភ្លើងនរកនោះ ។
បើតាមតាមពុទ្ធភាសិតខាងលើនេះ បញ្ជាក់ឲ្យយើងឃើញយ៉ាងច្បាស់ថា នរកមាននៅក្នុងជីវិតយើងនេះឯង ហើយភ្លើងនរកក៏មាននៅក្នុងចិត្តដុតកម្តៅយើងរាល់ថ្ងៃ ។
ត្រង់នេះបុគ្គលគប្បីពិចារណាបន្ថែមទៀតថា សត្វលោកណាដែលមានចិត្តប្រាសចាកកុសល បុគ្គលនោះឯងគឺជានរក ព្រោះបុគ្គលបាបមិនដែលមានចិត្តត្រជាក់ទេ ។
ចែករំលែកព័តមាននេះ