រាជធានីភ្នំពេញ ៖ បុរសម្នាក់ដែលក្រុមគ្រួសារអះអាងថាញៀនថ្នាំ បានប៉ុនប៉ងធ្វើអត្តឃាតដោយរត់ចូលរថយន្ត តែមិនបានសម្រេច ព្រោះប្រពន្ធចាប់ទាន់ ក៏រត់មកអារ.កប៉ងសម្លាប់ខ្លួន បណ្តាលឱ្យរងរបួសធ្ងន់ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យកាល់ម៉ែត ។…
រាជធានីភ្នំពេញ ៖ បុរសម្នាក់ដែលក្រុមគ្រួសារអះអាងថាញៀនថ្នាំ បានប៉ុនប៉ងធ្វើអត្តឃាតដោយរត់ចូលរថយន្ត តែមិនបានសម្រេច ព្រោះប្រពន្ធចាប់ទាន់ ក៏រត់មកអារ.កប៉ងសម្លាប់ខ្លួន បណ្តាលឱ្យរងរបួសធ្ងន់ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យកាល់ម៉ែត ។
ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោង៣រសៀលថ្ងៃទី៦ កញ្ញា នៅចំណុចមុខវិទ្យាល័យឫស្សីកែវ តាមផ្លូវជាតិលេខ៥ ក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ ។ បុរសមិនចង់រស់នេះឈ្មោះ កែវ ស អាយុ២៣ឆ្នាំ ជាកម្មករសំណង់ ស្នាក់នៅក្នុងការដ្ឋានសំណង់ភូមិឃុំព្រែកតាទែន ស្រុកពញាឮ ខេត្តកណ្តាល បានរងរបួសធ្ងន់ត្រូវបានរថយន្តបញ្ជូនទៅកាន់មន្ទីរពេទ្យសម្តេចឪ រួចបញ្ជូនបន្តទៅមន្ទីរពេទ្យកាល់ម៉ែត ។
តាមមន្ត្រីនគរបាលបានឱ្យដឹងថា បុរសរូបនោះ បានព្យាយាមប៉ុនប៉ងសម្លាប់ខ្លួន ដោយរត់ចូលរថយន្តមិនបានសម្រេច រួចក៏បានរត់ចូលក្នុងហាងស៊ុបមួយកន្លែងអារកសម្លាប់ខ្លួនតែម្តង ។ តាមស្ត្រីជាប្រពន្ធឈ្មោះ តន់ ស៊ីណេត អាយុ៣០ឆ្នាំបានឱ្យដឹងថា នៅមុនពេលកើតហេតុ នាងនិងប្តីបានជិះរ៉ឺម៉កមកពីឃុំព្រែកតាទែន យកកូនតូច២នាក់ ប្រុសម្នាក់ស្រីម្នាក់យកមកផ្ញើម្តាយបង្កើតរបស់ខ្លួន នៅភូមិបឹងឈូក សង្កាត់គីឡូម៉ែត្រលេខ៦ ក្នុងខណ្ឌឫស្សីកែវ ។ នៅពេលធ្វើដំណើរមកដល់ផ្លូវចូលផ្ទះម្តាយ ក៏បានឈប់ចុះពីលើរ៉ឺម៉ក ស្រាប់តែប្តីក៏បានរត់ចូលរថយន្តសម្លាប់ខ្លួន តែត្រូវបាននាងចាប់ឃាត់ទាន់ ។
តាមស្ត្រីជាប្រពន្ធបានឱ្យដឹងទៀតថា បន្ទាប់ពីរត់ចូលរថយន្តមិនបានសម្រេច ប្តីក៏បានដើរ ហើយត្រូវនាងដឹកដៃកូនដើរតាមហៅឱ្យទៅផ្ទះម្តាយ តែប្តីអត់ព្រម ក៏ដើររហូតមកដល់ ចំណុចមុខវិទ្យាល័យឫស្សីកែវ ក៏បានស្ទុះរត់ចូលក្នុងហាងស៊ុបម្កាក់ ទាញយកកូនកាំបិតចិតបន្លែអារ.កខ្លួនឯង ហើយរត់មកអង្គុយនៅលើសួនច្បារខណ្ឌចែកផ្លូវជាតិលេខ៥ ។
តាមព័ត៌មានឱ្យដឹងទៀតថា ខណៈនោះក៏បានបង្កឱ្យមានការភ្ញាក់ផ្អើលដល់នគរបាល ក៏បានហៅរ៉ឺម៉កម៉ូតូបញ្ជូនទៅកាន់មន្ទីរពេទ្យបង្អែកសម្តេចឪ ដោយសារតែរបួសធ្ងន់ក៏បានបញ្ជូនបន្តទៅកាន់មន្ទីរពេទ្យកាល់ម៉ែត ។ ទាក់ទិននឹងការប៉ងធ្វើអត្តឃាតត្រូវស្ត្រីជាប្រពន្ធឱ្យដឹងថា ដោយសារតែញៀនថ្នាំរហូតដល់បែកថ្នាំក៏ឡប់តែម្តង ៕
https://www.youtube.com/watch?v=BqPRzWEzp3A
ចែករំលែកព័តមាននេះ