រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីរសៀលថ្ងៃទី៥ ខែកញ្ញា ចៅក្រមសុើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនជនសង្ស័យម្នាក់ដាក់ពន្ធនាគារជាបណ្តោះអាសន្ន ពីបទលួចមានស្ថានទម្ងន់ទោស(ជើងខ្លាំងខាងលួច និងប្លន់ប្រដាប់អាវុធជាង៣៥០លើក) ។
ជនសង្ស័យឈ្មោះ កែវ សារិន ភេទប្រុស អាយុ២៨ឆ្នាំ បានត្រូវនគរបាលចាប់ខ្លួនកាលពីយប់ថ្ងៃទី៣១ សីហា នៅក្នុងទឹកដីខណ្ឌ៧មករា រាជធានីភ្នំពេញ ។ ក្រោយពេលចាប់ខ្លួនជនសង្ស័យរូបនេះបានសារភាពប្រាប់សមត្តកិច្ចថា បក្សពួកគេមានជាង១០នាក់ លួចនិងប្លន់ប្រដាប់អាវុធជាង៣៥០លើក តែគ្មាននរណាម្នាក់គ្រោះថ្នាក់ក្នុងពេលធ្វើសកម្មភាពលួចនិងប្លន់ប្រដាប់អាវុធនោះទេ ហើយក៏មិនដែលជាប់គុកដែរកន្លងមក ។
ជនសង្ស័យឈ្មោះ កែវ សារិន បានត្រូវនគរបាលព្រហ្មទណ្ឌក្រសួងមហាផ្ទៃ នាំទៅដល់ពន្ធនាគារទាំងយប់ ខណៈកំពុងភ្លៀងរលឹម ៕
ចែករំលែកព័តមាននេះ