ខេត្តព្រះសីហនុ ៖ បន្ទាប់ពីក្រុមការងារជំនាញថ្នាក់ក្រុងខេត្តបានកំពុងមមាញឹកក្នុងការចុះកំណត់និយាមការនៃទំហំអូរសំខាន់ៗក្នុងក្រុងព្រះសីហនុ នារសៀលថ្ងៃទី០៦ ខែកញ្ញា ឆ្នាំ២០១៨ លោក អ៊ី សុខឡេង អភិបាលក្រុងព្រះសីហនុបានថ្លែងបញ្ជាក់ថា អូរសំខាន់ៗជាច្រើនកន្លែងនៅក្នុងក្រុងព្រះសីហនុនឹងត្រូវចាប់ផ្តើមស្តានាពេលដ៏ខ្លីខាងមុខដោយប្រើសាឡង់កាយទៅតាមដំណាក់កាលនីមួយៗ ។
ការថ្លែងបញ្ជាក់អះអាងបែបនេះត្រូវបានលោក អ៊ី សុខឡេង អះអាងប្រាប់បណ្តាញព័ត៌មាន ក្នុងឱកាសដែលលោកចុះពិនិត្យស្ថានភាពទូទៅនៅតាមបណ្តោយអូរសំខាន់ៗដូចជានៅចំណុចអូរ០១ ចំណុចអូសេតេ និងចំណុចអូសំអាតជាដើម ។ល។ ដែលត្រង់ចំណុចអូរទាំងនេះត្រូវបានប្រជាពលរដ្ឋ និងជនមានអំណាចចាក់ដីរំលោភយក យ៉ាងអនាធិបតេយ្យ ដោយពុំខ្វល់អំពីផលប៉ះពាល់អ្វីឡើយធ្វើអោយផ្ទៃអូរនៅរួមតូចរហូតមានកន្លែងខ្លះពី១៥ម៉ែត្រមករួមនៅត្រឹម៣ម៉ែត្រនេះមិនគិតអំពីចំណីអូរផងទេ ។ កត្តាទាំងនេះទើបធ្វើអោយក្រុងព្រះសីហនុត្រូវបានទឹកជនលិចនៅពេលមានភ្លៀងធ្លាក់ម្តងៗ ។
លោក អ៊ី សុខឡេង ក៏បានបន្ថែមថា គម្រោងស្តាប្រព័ន្ធអូរសំខាន់នេះនឹងធ្វើឡើងដោយលឿនបំផុតដោយដាក់សាឡង់បណ្តែតក្នុងអូរកាយដីចេញហើយចំពោះផលប៉ះពាល់ជាមួយប្រជាពលរដ្ឋនឹងត្រូវធ្វើការដោះស្រាយទៅតាមភាពជាក់ស្តែង និងតាមដំណាក់កាលនីមួយៗជាប្រយោជន៏រួមនឹងដើម្បីដើរអោយទាន់សភាពការណ៏នៃការអភិវឌ្ឍន៏យ៉ាងគំហុកនៅក្នុងខេត្តព្រះសីហនុ ៕
ចែករំលែកព័តមាននេះ