ខេត្តបន្ទាយមានជ័យ ៖ យុវជនម្នាក់ជិះម៉ូតូបម្រុងឡើងវ៉ារថយន្តមួយគ្រឿង តែក៏ដួលចូលក្រោមរថយន្តក្រុង សំណាងល្អចូលពីក្រោយបណ្តាលឱ្យរងរបួសស្រាល និងបង្កការកកស្ទះ ចរាចរណ៍ដែលកើតឡើងនៅវេលាម៉ោង៥ល្ងាចថ្ងៃទី៦ ខែកញ្ញា ឆ្នាំ២០១៨ នៅតាមបណ្តោយផ្លូវជាតិលេខ៥…
ខេត្តបន្ទាយមានជ័យ ៖ យុវជនម្នាក់ជិះម៉ូតូបម្រុងឡើងវ៉ារថយន្តមួយគ្រឿង តែក៏ដួលចូលក្រោមរថយន្តក្រុង សំណាងល្អចូលពីក្រោយបណ្តាលឱ្យរងរបួសស្រាល និងបង្កការកកស្ទះ ចរាចរណ៍ដែលកើតឡើងនៅវេលាម៉ោង៥ល្ងាចថ្ងៃទី៦ ខែកញ្ញា ឆ្នាំ២០១៨ នៅតាមបណ្តោយផ្លូវជាតិលេខ៥ ស្ថិតភូមិពីរ សង្កាត់ព្រះពន្លា ក្រុងសិរីសោភ័ណ។
មន្ត្រីនគរបាលចរាចរណ៍ជើងគោកខេត្តបន្ទាយមានជ័យបានឱ្យដឹងថា នៅពេលកើតហេតុ មានយុវជនម្នាក់អាយុប្រមាណជាង២០ឆ្នាំ បានជិះម៉ូតូមួយគ្រឿងម៉ាកហុងដាឌ្រីម បើកបរក្នុងទិសដៅពីត្បូងមកជើងក្នុងល្បឿនលឿនបានឡើងវ៉ារថយន្តមួយគ្រឿងនៅខាងឆ្វេងដៃ ស្រាប់តែមានរថយន្តមកពីមុខបញ្ច្រាសទិសគ្នា ហើយអ្នកបើកបរម៉ូតូបានគេចរថយន្តនោះ បណ្តាលឱ្យដួលចូលក្រោមរថយន្តក្រុងតែម្តង សំណាងល្អដួលចូលពីក្រោយរថយន្តក្រុង រងរបួសស្រាល ចំណែកម៉ូតូត្រូវបានកម្លាំងនគរបាលគាល់ទាញយកចេញ។
មន្ត្រីនគរបាលចរាចរណ៍រូបនោះបានបញ្ជាក់ថា មូលហេតុដែលគ្រោះថ្នាក់ចរាចរណ៍នេះកើតឡើង គឺបណ្តាលមកពីអ្នកបើកបរម៉ូតូលើវ៉ាមិនបានមើលឆ្វេងស្តាំ ទើបបណ្តាលឱ្យជួបគ្រោះថ្នាក់បែបនេះ តែសំណាងដួលចូលក្រោយរថយន្តក្រុងគ្រាន់តែរងរបួសស្រាល ចំណែកម៉ូតូបានរងការខូចខាតផ្នែកខាងមុខ ហើយចរចាគ្នាបញ្ចប់រឿងនៅកន្លែងកើតហេតុ៕
ចែករំលែកព័តមាននេះ