លទ្ធផលប្រឡងបាក់ឌុបអាចនឹងប្រកាសមុនកាលកំណត់…
- ភ្នំពេញ
រាជធានីភ្នំពេញ ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា បេក្ខជនប្រឡងបាក់ឌុបជាប់និទ្ទេសA…
រាជធានីភ្នំពេញ ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា បេក្ខជនប្រឡងបាក់ឌុបជាប់និទ្ទេសA…
រាជធានីភ្នំពេញ ៖ លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា បេក្ខជនប្រឡងបាក់ឌុបជាប់និទ្ទេសA អាចមានច្រើនជាងឆ្នាំមុន តែលោកមិនបញ្ជាក់ថា មានចំនួនប៉ុន្មានទេ ខណៈឆ្នាំមុន មានចំនួនជាង៤០០នាក់ ។
លទ្ធផលប្រឡងបាក់ឌុបអាចនឹងប្រកាសមុនការកំណត់ ពោលគឺនៅថ្ងៃទី៩និងទី១០ ខែកញ្ញាវិញ បើសិន
ជាការបូកសរុបពិន្ទុលឿន ជាងការគ្រោងទុក ។ ដើមឡើយ ក្រសួងអប់រំ យុវជន និងកីឡា គ្រោងប្រកាសលទ្ធផលប្រឡងនៅថ្ងៃទី១១ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្តាល និងនៅថ្ងៃទី១២ខែកញ្ញា សម្រាប់មណ្ឌលប្រឡងតាមបណ្តាខេត្តផ្សេងទៀត ។
យោងតាមលោករដ្ឋមន្ត្រី បានអះអាងថា សមាជិកអនុគណៈកម្មការគ្រប់គ្រងសន្លឹក MCS និងអនុគណៈកម្មការស្រង់បូកពិន្ទុដោយកុំព្យូទ័រ កំពុងមានភាពមមាញឹកក្នុងការបំពេញភារកិច្ចស្រង់-បូក និងពិនិត្យផ្ទៀងផ្ទាត់ពិន្ទុបេក្ខជនប្រឡងសញ្ញាបត្រមធ្យមសិក្សាទុតិយភូមិចំណេះទូទៅនិងបំពេញវិជ្ជា(បាក់ឌុប)សម្រាប់ឆ្នាំ២០១៨នេះ ។
លទ្ធផលប្រឡងអាចនឹងប្រកាសមុនការកំណត់ ពោលគឺនៅថ្ងៃទី៩និងទី១០ ខែកញ្ញាវិញ បើសិនជាការបូកសរុបពិន្ទុនេះលឿនជាងការគ្រោងទុក ។ លោករដ្ឋមន្ត្រី ហង់ ជួនណារ៉ុន ដែលតាមដានយ៉ាងយកចិត្តទុកដាក់លើកំណែនិងស្រង់ពិន្ទុ បានវាយតម្លៃជាវិជ្ជមានលើលទ្ធផលប្រឡង ។ថ្វីដ្បិតមិនទាន់អាចបញ្ជាក់បានច្បាស់ក្តី ប៉ុន្តែលោករដ្ឋមន្ត្រីហ៊ាននិយាយមុនថា សិស្សប្រឡងជាប់និទ្ទេសAឆ្នាំនេះ នឹងច្រើនជាងឆ្នាំមុន ។ ការរឹតបន្តឹងការប្រឡង៥ឆ្នាំនេះ ធ្វើឲ្យបេក្ខជនប្រឡងបាក់ឌុបទាំងអស់ប្រឹងប្រែងសិក្សាខ្លាំង ដើម្បីទទួលបាននិទ្ទេសល្អ ។
លោករដ្ឋមន្ត្រីបានលើកឡើងថា ការប្រឡងឆ្នាំនេះនៅមណ្ឌលសំណេរមានភាពល្អជាងមុន។ពេលនេះកំពុងធ្វើកំណែនៅមិនទាន់ចប់នៅឡើយទេ និងសង្ឃឹមថាអាចប្រកាសលទ្ធផលមុនការគ្រោងទុក ហើយពេលនេះការបូកពិន្ទុមិនទាន់ចប់ទេ ។ លោកថ្លែងថា «សិស្សខ្ញុំរៀនក្នុងរយៈពេល៥ឆ្នាំនេះអាចជាប់ច្រើន នេះបើតាមលោកដឹងតាមរយៈអត្រាកំណែ» ។
លោកដ្ឋមន្ត្រីក្រសួងអប់រំ យុវជន និងកីឡា បានថ្លែងក្រោយពីចូលរួមពិធីអបអរសាទរនិស្សិត២១នាក់ ដែលទទួលបានអាហារូបករណ៍ទៅសិក្សានៅអង់គ្លេស កាលពីថ្ងៃទី៤ ខែកញ្ញាថា លោកមានជំនឿជឿជាក់ថា ដោយសារសិស្សយើងខំប្រឹងរៀនជាង៥ឆ្នាំមកហើយ ដូច្នេះនិទ្ទេសA ប្រហែលជាច្រើនជាងឆ្នាំមុនដែលមាន៤២៤នាក់ ប៉ុន្តែប៉ុន្មានខ្ញុំមិនទាន់ដឹងទេ ព្រោះអីមិនទាន់ស្រង់ពិន្ទុចប់ ។
យោងតាមបណ្តាញសារព័ត៌មានក្នុងស្រុកបានផ្សាយថា លោករដ្ឋមន្ត្រីបានលើកឡើងថាសម្រាប់ពិន្ទុនិទ្ទេសA ត្រូវបានក្រសួងអប់រំកំណត់៤២៧ពិន្ទុ ដែលស្មើនឹង៩០ភាគរយ និទ្ទេសBត្រូវបានកំណត់៣៨០ពិន្ទុ ស្មើ៨០ភាគរយ និទ្ទេសC ត្រូវបានកំណត់៣៣២ពិន្ទុ ស្មើ៧០ភាគរយនិទ្ទេសD ត្រូវបានកំណត់២៨៥ពិន្ទុ ស្មើនឹង៦០ភាគរយ និងនិទ្ទេសE ត្រូវបានកំណត់២៣៧ពិន្ទុ ស្មើនឹង៥០ភាគរយនៃពិន្ទុប្រឡងអតិបរមា៥០០ពិន្ទុ ។
តាមពិត ពិន្ទុប្រឡងអតិបរមា៥០០ពិន្ទុនេះ តម្រូវឲ្យអ្នកជាប់និទ្ទេសEមាន២៥០ពិន្ទុ ប៉ុន្តែដោយសារ
មុខវិជ្ជាភាសាបរទេសជាវិញ្ញាសាតាមស្ម័គ្រ ដូច្នេះពិន្ទុប្រឡងជាប់គឺ ៥០០ដក២៥ រួចចែកនឹង២ស្មើនឹង ២៣៧,៥ពិន្ទុ ទើបសម្រេចយកត្រឹម២៣៧ពិន្ទុ ជាប់សម្រាប់និទ្ទេសE ។ ដើមឡើយ ក្រសួងគ្រោងប្រកាសលទ្ធផលប្រឡងនៅថ្ងៃទី១១ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្តាល ចំណែកនៅថ្ងៃទី១២ ខែកញ្ញា សម្រាប់មណ្ឌលប្រឡងតាមបណ្តាខេត្ត ។ប៉ុន្តែការប្រកាសនេះ អាចលើកមកថ្ងៃទី៩ និងទី១០ ខែកញ្ញាវិញ បើការស្រង់-បូកពិន្ទុលឿនជាងការរំពឹងទុក ។
សូមបញ្ជាក់ថា កាលពីឆ្នាំ២០១៧កន្លងទៅ មានសិស្សប្រឡងជាប់៦៣.៦៦៨នាក់ត្រូវជា៦៣,៨៤ភាគរយក្នុងចំណោមបេក្ខជនមានវត្តមានប្រឡង៩៩,៧២៨នាក់ ក្នុងនោះបេក្ខជនជាប់និទ្ទេសA មានចំនួន៤២៤នាក់ និទ្ទេសB មានចំនួន២.៤៦៤នាក់ និទ្ទេសC មានចំនួន៥.០០០នាក់ និទ្ទេសD មានចំនួន ៩.១២៣នាក់ និងនិទ្ទេសE មានចំនួន ៤៦.៦៥៧នាក់ ។ សម្រាប់ឆ្នាំ២០១៨នេះ បានបេក្ខជនជាង១១ម៉ឺននាក់បានចុះឈ្មោះប្រឡង និងជិត២.០០០នាក់បានបោះបង់ការប្រឡង ៕
ចែករំលែកព័តមាននេះ