រាជធានីភ្នំពេញ ៖ លោកពេជ្រ ស្រស់ ប្រធានគណបក្សយុវជនកម្ពុជាបានប្រកាសថា នឹងប្តេជ្ញាចូលរួមប្រឆាំងមន្ត្រីពុករលួយ និងធ្វើបាបរាស្ត្រក្នុងអាណត្តិរាជរដ្ឋាភិបាលថ្មីទី៦នេះ ។ ការប្តេជ្ញារបស់មេបក្សយុវជននេះ បន្ទាប់ពីព្រះមហាក្សត្រតែងតាំងរូបលោកមានឋានៈស្មើរនឹងទេសរដ្ឋមន្ត្រីក្នុងចំណោមមេបក្សផ្សេងទៀតដែលចូលរួមក្នុងក្រុមប្រឹក្សាពិគ្រោះ…
រាជធានីភ្នំពេញ ៖ លោកពេជ្រ ស្រស់ ប្រធានគណបក្សយុវជនកម្ពុជាបានប្រកាសថា នឹងប្តេជ្ញាចូលរួមប្រឆាំងមន្ត្រីពុករលួយ និងធ្វើបាបរាស្ត្រក្នុងអាណត្តិរាជរដ្ឋាភិបាលថ្មីទី៦នេះ ។ ការប្តេជ្ញារបស់មេបក្សយុវជននេះ បន្ទាប់ពីព្រះមហាក្សត្រតែងតាំងរូបលោកមានឋានៈស្មើរនឹងទេសរដ្ឋមន្ត្រីក្នុងចំណោមមេបក្សផ្សេងទៀតដែលចូលរួមក្នុងក្រុមប្រឹក្សាពិគ្រោះ និងផ្តល់យោបល់ ។
លោកពេជ្រ ស្រស់ បានឲ្យដឹងតាមរយៈបណ្តាញសង្គមនៅថ្ងៃទី០៧ កញ្ញាយ៉ាងដូច្នេះថា« ទូលព្រះបង្គំជាខ្ញុំនឹងមិនធ្វើឲ្យព្រះមហាក្សត្រខកព្រះទ័យឡើយ ទូលព្រះបង្គំជាខ្ញុំនឹងខិតខំកសាងជាតិខ្មែរឲ្យរីកចម្រើនទៅមុខជានិច្ច ។
ជាថ្មីម្តងទៀតទូលព្រះបង្គំជាខ្ញុំ សូមថ្លែងអំណអរគុណយ៉ាងជ្រាលជ្រៅបំផុតដែលព្រះករុណា ព្រះបាទនរោត្តមសីហមុនីទ្រង់សព្វព្រះរាជហរទ័យប្រោសប្រទានតែងតាំងទូលព្រះបង្គំមានឋានៈស្មើរទេសរដ្ឋមន្ត្រី ដើម្បីបោសសំអាតមន្ត្រីធ្វើបាបរាស្ត្រខ្មែរនឹងលួចទ្រព្យសម្បត្តិជាតិ» ៕
ចែករំលែកព័តមាននេះ