រាជធានីភ្នំពេញ ៖ ស្ត្រីជនជាតិវៀតណាមម្នាក់ បានដួលសន្លប់ចូលពេទ្យ បន្ទាប់ពីចាញ់ល្បិច ក្រុមឆបោកទម្លាក់យោងយកប្រាក់ និងគ្រឿងអលង្ការ អស់រាប់ពាន់ដុល្លារជាថ្នូរនឹងគ្រាប់សំណ សន្សល់ទុកមួយកូនថង់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១១ និង៣០នាទីព្រឹក ថ្ងៃទី០៦ ខែកញ្ញា ឆ្នាំំ២០១៨ ស្ថិតនៅក្នុងផ្សារគីឡូម៉ែត្រលេខ៧ សង្កាត់ច្រាំងចម្រេះ២ ខណ្ឌឫស្សីកែវ។
ស្ត្រីរងគ្រោះ ត្រូវបានគេស្គាល់ឈ្មោះឈ្មោះ ធី ហាហឿង អាយុ៣៧ឆ្នាំ ជនជាតិវៀតណាម ស្នាក់នៅសង្កាត់ច្រាំងចម្រេះ១ ខណ្ឌឫស្សីកែវ កំពុងតែសម្រាកនៅគ្លីនិកឯកជន មួយក្បែរផ្ទះ។ តាមព័ត៌មានបានឲ្យដឹងថា ជនសង្ស័យមានគ្នា២នាក់ បានប្រើល្បីឆបោកដោះយក កងដៃប្លាទីន១ឈុត ចិញ្ចៀន ក្រវិល ខ្សែក លុយកាក់មួយចំនួនទៀត ដែលមានតម្លៃរា់បពាន់ដុល្លារ។ តាមស្ត្រីរងគ្រោះបានប្រាប់ឲ្យដឹងថា មុនកើតហេតុខណៈដែលគាត់មកផ្សារ រកទិញម្ហូបនៅក្នុង ផ្សារគីឡូម៉ែត្រលេខ៧ ត្រូវបានស្ត្រីម្នាក់ដើរមកសួរមានឃើញកាបូបលុយអត់គេជ្រុះបាត់មុននេះ។
លុះក្រោយមកមានស្ត្រីសង្ស័យម្នាក់ផ្សេងទៀត ដើរមកប្រាប់ថាកុំមាត់គេរើសបានចាំចែកគ្នា ហើយបានលាមាត់ថង់បង្ហាញឃើញមាសក្រហមច្រាល។ ភ្លាមៗស្ត្រីរូបនោះក៏បានបបួលទៅកន្លែងស្ងាត់ ដើម្បីចែកគ្នា និងឲ្យដោះយកគ្រឿងអលង្ការ និងឲ្យប្រគល់ប្រាក់នៅក្នុងខ្លួនទៅឲ្យជាថ្នូរនឹងថង់មាស ហើយបានគេចខ្លួនបាត់ ស្ត្រីនោះក៏បានលាថង់មើលឃើញសុទ្ធតែគ្រាប់សំណ ដឹងថាចាញ់បោកគេ ក៏ស្លុតចិត្តដួលសន្លប់ចូលពេទ្យតែម្តង។ ទោះបីជាយ៉ាងណា ស្ត្រីរូបនោះហាក់ដូចជាលាក់លៀម មិនហ៊ាននិយាយច្រើនព្រោះខ្មាសគេ៕
ចែករំលែកព័តមាននេះ