ស្ត្រីដែលត្រូវបុរសសឹងតែមួយភូមិរួមរ័កនោះ សំណុំរឿងត្រូវបញ្ចប់ហើយ
- កំពង់ស្ពឺ
ខេត្តកំពង់ស្ពឺ ៖ បន្ទាប់ពីរឿងរ៉ាវដ៏កម្រមួយបានបែកធ្លាយមកធ្វើឱ្យសមត្ថកិច្ចដុតដៃដុតជើងចុះស្រាវជ្រាវដោយកោះហៅបុរសមួយចំនួនមកសាកសួរផងដែរ។ អស់រយៈពេល២ថ្ងៃនៃការស្រាវជ្រាលទ្ធផលត្រឹមតែកសាងសំណុំរឿងបញ្ជូនទៅតុលាការ តែភាគីខាងបុរស១៧នាក់ពាក់ព័ន្ធមិនត្រូវបានឃាត់ខ្លួននោះទេ ព្រោះហួសនីតិវិធី។ មន្ត្រីនគរបាលស្រុកបសេដ្ឋបានប្រាប់នៅថ្ងៃទី៦ កញ្ញាថា ករណីនៅភូមិព្រៃរំដួលខាងកើត ឃុំបសេដ្ឋ…
មន្ត្រីនគរបាលស្រុកបសេដ្ឋបានប្រាប់នៅថ្ងៃទី៦ កញ្ញាថា ករណីនៅភូមិព្រៃរំដួលខាងកើត ឃុំបសេដ្ឋ ស្រុកបសេដ្ឋ បានបិទការស្រាវជ្រាវហើយ ដោយភាគីខាងឱពុកនារីរងគ្រោះសម្រេចស្នើសុំថា មិនបន្តប្តឹងប្តល់ជាមួយអ្នកពាក់ព័ន្ធដែលធ្វើឱ្យកូនស្រីគាត់មានផ្ទៃពោះទៀតទេ។ ហើយឱពុកនារីរងគ្រោះនឹងឡើងទៅជួបជាមួយតំណាងអយ្យការ ដើម្បីរំលត់បណ្តឹងអាជ្ញាករណីកូនស្រីគាត់ជាមួយបុរសជាច្រើននៅក្នុងភូមិ។
មន្ត្រីដដែលបន្តថា លុយសំណងជាង៨លានរៀលគឺក្រុមគ្រួសារនារីរងគ្រោះទទួលពីបុរសចំនួន១៧នាក់ដែលបង់ទៅឱ្យឱពុកម្តាយនាងមុនពេលរឿងនេះបែកធ្លាយមកក្រៅ និងដឹងដល់សមត្ថកិច្ច។
នៅចំពោះមុខសមត្ថកិច្ចស្ត្រីរងគ្រោះអាយុប្រហែល៣០ឆ្នាំ រៀបរាប់ថា នាងត្រូវបុរសជាច្រើនធ្វើការរួមភេទជាមួយនាងភាគច្រើននៅតាមភ្លឺស្រឺ តាមគុម្ពោតព្រៃជាដើម ក្នុងនោះនាងស្គាល់មុខច្បាស់គ្រប់គ្នា ករណីនាងគឺកើតឡើងជាច្រើនឆ្នាំមកហើយ ក្រោយការរួមភេទនាងទទួលបានលុយពីប្រុសៗទាំងនោះខ្លះឱ្យ១០០០រៀល ខ្លះ៥០០០រៀល និងខ្លះទៀត១០០០០រៀលក៏មាន៕
ចែករំលែកព័តមាននេះ