រាជធានីភ្នំពេញ ៖ បុរសម្នាក់ដែលក្រុមគ្រួសារអះអាងថា ញៀនថ្នាំបានប៉ុនប៉ងធ្វើអត្តឃាតដោយរត់ចូលរថយន្ត និងអាករសម្លាប់ខ្លួនបានរងរបួសធ្ងន់ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យកាល់ម៉ែត្រ ។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣រសៀល ថ្ងៃទី០៦…
រាជធានីភ្នំពេញ ៖ បុរសម្នាក់ដែលក្រុមគ្រួសារអះអាងថា ញៀនថ្នាំបានប៉ុនប៉ងធ្វើអត្តឃាតដោយរត់ចូលរថយន្ត និងអាករសម្លាប់ខ្លួនបានរងរបួសធ្ងន់ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យកាល់ម៉ែត្រ ។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣រសៀល ថ្ងៃទី០៦ ខែកញ្ញា ឆ្នាំ ២០១៨ នៅចំណុចមុខវិទ្យាល័យឬស្សីកែវតាមផ្លូវជាតិលេខ៥ក្នុងភូមិមិត្តភាព សង្កាត់ឬស្សីកែវ ខណ្ឌឬស្សីកែវ ។
បុរសដែលធ្វើអត្តឃាត់ឈ្មោះ កែវ ស ភេទអាយុ២៣ឆ្នាំ មុខរបរជាកម្មករសំណង់ មានលំនៅ ស្នាក់នៅក្នុងការដ្ឋានសំណង់ភូមិឃុំព្រែកតាទែន ស្រុកពន់ញាឭ ខេត្តកណ្តាលបានរងរបួសធ្ងន់ ត្រូវបានរថយន្តបញ្ជូនទៅកាន់មន្ទីរពេទ្យសម្តេចឪ រួចបញ្ជូនបន្តទៅមន្ទីរពេទ្យកាលម៉ែត្រ ។
តាមមន្ត្រីនគរបាលបានឲ្យដឹងថា បុរសរូបនោះបានព្យាយាមប៉ុនប៉ងសម្លាប់ខ្លួនដោយរត់ចូលរថយន្តមិនបានសម្រេច រួចក៏បានរត់ចូលក្នុងអាងស៊ុបមួយកន្លែង អាកសម្លាប់ខ្លួនតែម្តង ។
តាមស្ត្រីជាប្រពន្ធឈ្មោះ តន់ ស៊ីណេត អាយុ៣០ឆ្នាំ បានឲ្យដឹងថា នៅមុនពេលកើតហេតុនាង និងប្តីបានជិះរ៉ឺម៉កមកពីឃុំព្រែកតាទែន យកកូនតូច២នាក់ ប្រុសម្នាក់ ស្រីម្នាក់ យកមកផ្ញើម្តាយបង្កើតរបស់ខ្លួននៅភូមិបឹងឈូក សង្កាត់គីឡូម៉ែត្រលេខ៦ ក្នុងខណ្ឌឬស្សីកែវ ។ នៅពេលធ្វើដំណើរមកដល់ផ្លូវចូលផ្ទះម្តាយក៏បានឈប់ចុះពីលើរ៉ឺម៉កស្រាប់តែប្តីបានរត់ចូលរថយន្តសម្លាប់ខ្លួន តែត្រូវបាននាងចាប់ឃាត់ទាន់ ។ តាមស្ត្រីជាប្រពន្ធបានឲ្យដឹងទៀតថា បន្ទាប់ពីរត់ចូលរថយន្តមិនបានសម្រេចប្តីបានដើរ ហើយត្រូវនាងដឹកដៃកូនដើរតាមហៅឲ្យទៅផ្ទះម្តាយ តែប្តីអត់ព្រមក៏ដើររហូតមកដល់ចំណុចមុខវិទ្យាល័យឬស្សីកែវក៏បានស្ទុះរត់ចូលក្នុងហាងស៊ុប ហើយទាញយកកូនកាំបិតចិតបន្លែអាករខ្លួនឯង ហើយរត់មកអង្អុយនៅលើសួនច្បារខណ្ឌចែកផ្លូវជាតិលេខ៥ ។
តាមព័ត៌មានឲ្យដឹងទៀតថា ខណៈនោះបង្កឲ្យមានការភ្ញាក់ផ្អើលដល់នគរបាលក៏បានហៅរ៉ឺម៉ក ម៉ូតូបញ្ជូនទៅកាន់មន្ទីរពេទ្យបង្អែកសម្តេចឪ ដោយសារតែរបួសធ្ងន់បានបញ្ជូនបន្តទៅកាន់មន្ទីរពេទ្យកាល់ម៉ែត្រ ។ ទាក់ទិនការធ្វើអត្តឃាតត្រូវស្ត្រីជាប្រពន្ធបានឲ្យដឹងដោយសារតែញៀនថ្នាំ ៕
https://www.youtube.com/watch?v=BqPRzWEzp3A
ចែករំលែកព័តមាននេះ