សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ អះអាងកាលពីថ្ងៃទី៥ កញ្ញាថា លោកពុំដែលទាល់តែសោះនិយាយជាមួយប្រមុខមន្ទីរប៉ង់តាហ្គោន ពីការប៉ងធ្វើឃាតជាយថាហេតុប្រធានាធិបតីស៊ីរី លោកបាចាអាល់អាសាដ ដែលផ្ទុយពីសេចក្ដីរាយការណ៍របស់អ្នកកាសែតស៊ើបអង្កេតលោក…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ អះអាងកាលពីថ្ងៃទី៥ កញ្ញាថា លោកពុំដែលទាល់តែសោះនិយាយជាមួយប្រមុខមន្ទីរប៉ង់តាហ្គោន ពីការប៉ងធ្វើឃាតជាយថាហេតុប្រធានាធិបតីស៊ីរី លោកបាចាអាល់អាសាដ ដែលផ្ទុយពីសេចក្ដីរាយការណ៍របស់អ្នកកាសែតស៊ើបអង្កេតលោក BOB WOODWARD។
នៅឯការិយាល័យពងក្រពើពេលសួរលោកពីសៀវភៅរបស់លោក BOB WOODWARDនិយាយពីរឿងនោះ លោកត្រាំឆ្លើយថា គ្មានគម្រោងទាល់តែសោះ។ លោកចាត់ទុកសៀវភៅនោះថា ជារឿងប្រឌីតសុទ្ធសាធ។
នៅក្នុងសៀវភៅរបស់ខ្លួនមានចំណងជើងថា FEAR:TRUMP IN THE WHITE HOUSE លោក BOB WOODWARD សរសេរពីរឿងដែលអាចកើតមាន ក្រោយការវាយប្រហារដោយអាវុធគីមីកាលពីខែមេសា ឆ្នាំ២០១៧ ហើយចោទដាក់របបលោកបាចាអាល់អាសាដ។
យោងតាមអ្នកកាសែតរូបនេះដែលមានឈ្មោះល្បីដោយសារលាតត្រដាងពីរឿងអាស្រូវWATERGATE ថា លោកត្រាំបានហៅរដ្ឋមន្ត្រីការពារប្រទេសលោក JIM MATTIS មកជួប ហើយនិយាយដោយពាក្យត្រង់ៗបំផុតថា លោកចង់សម្លាប់ប្រធានាធិបតីស៊ីរី។ ក្នុងសៀវភៅរបស់ខ្លួនអ្នកកាសែតរូបនេះសរសេរទៀតថា ពេលនោះលោក MATTIS ងាកមករកទីប្រឹក្សាមួយរូបហើយនិយាយថា យើងនឹងពុំធ្វើបែបនេះឡើយ យើងត្រូវមានការថ្លឹងថ្លែងច្រើនបំផុត៕
ចែករំលែកព័តមាននេះ