ខេត្តកំពង់ធំ ៖ ករណីគ្រោះថ្នាក់ចរាចរណ៍បង្កឡើងរវាងម៉ូតូបុកជាមួយម៉ូតូក្នុងទិសដៅផ្ទុយគ្នា បណ្តាលឱ្យស្លាប់ម្នាក់ និងរបួសធ្ងន់ម្នាក់ បានកើតឡើងកាលពីវេលាម៉ោង១និង៣០នាទីរសៀលថ្ងៃទី៥ ខែកញ្ញា ឆ្នាំ២០១៨ នៅលើកំណាត់ផ្លូវលំក្រាលក្រួសក្រហមមួយកន្លែង ស្ថិតនៅក្នុងភូមិបឹង…
ខេត្តកំពង់ធំ ៖ ករណីគ្រោះថ្នាក់ចរាចរណ៍បង្កឡើងរវាងម៉ូតូបុកជាមួយម៉ូតូក្នុងទិសដៅផ្ទុយគ្នា បណ្តាលឱ្យស្លាប់ម្នាក់ និងរបួសធ្ងន់ម្នាក់ បានកើតឡើងកាលពីវេលាម៉ោង១និង៣០នាទីរសៀលថ្ងៃទី៥ ខែកញ្ញា ឆ្នាំ២០១៨ នៅលើកំណាត់ផ្លូវលំក្រាលក្រួសក្រហមមួយកន្លែង ស្ថិតនៅក្នុងភូមិបឹង ឃុំមានរិទ្ធិ ស្រុកសណ្តាន់ ខេត្តកំពង់ធំ ។
ជនរងគ្រោះដែលស្លាប់ និងរបួសធ្ងន់ខាងលើរួមមាន ឈ្មោះ ចន នី ភេទប្រុស អាយុ៣៨ឆ្នាំ នៅភូមិត្បូងទឹក ឃុំមានរិទ្ធិ ស្រុកសណ្តាន់ ខេត្តកំពង់ធំ រងរបួសធ្ងន់ ហើយក៏បានស្លាប់ពេលបញ្ជូនទៅសង្គ្រោះនៅមន្ទីរពេទ្យ និងជាអ្នកបើកបរម៉ូតូហុងដាធុន C១១០ (ប្រភេទម៉ូតូឆ្អឹងគ្មានក្បាំង) ពណ៌ខ្មៅ គ្មានស្លាកលេខ ចំណែកជនរងគ្រោះម្នាក់ទៀតឈ្មោះឌឹម ភារះ ភេទប្រុស អាយុ១៨ឆ្នាំ នៅភូមិ ឃុំកើតហេតុខាងលើ បានរងរបួសធ្ងន់ និងជាអ្នកបើកបរម៉ូតូម៉ាកហុងដា ធុនC១២៥ ពណ៌ខ្មៅ ពាក់ស្លាកលេខ កំពង់ធំ ១I-៨០៤១។
សមត្ថកិច្ចបញ្ជាក់ថា គ្រោះថ្នាក់ចរាចរណ៍ខាងលើនេះ មូលហេតុជាបឋមបង្កឡើងដោយអ្នកបើកបរម៉ូតូមួយគ្រឿងម៉ាកហុងដា ធុនC១២៥ បើកបរដោយឈ្មោះ ឌឹម ភារះ បើកបរមិនប្រកាន់ស្តាំ និងមានល្បឿនលឿន ។
ក្រោយពេលកើតហេតុ វត្ថុតាងត្រូវបាននាំយកទៅរក្សាទុកនៅអធិការដ្ឋាននគរបាលស្រុកសណ្តាន់ ដើម្បីដោះស្រាយតាមនីតិវិធី ៕
ចែករំលែកព័តមាននេះ