ខេត្តសៀមរាប ៖ នាថ្ងៃទី០៥ ខែកញ្ញា ឆ្នាំ២០១៨ កម្លាំងការិយាល័យគ្រប់គ្រងអាវុធគ្រឿងផ្ទុះជាតិពុលដឹកនាំដោយលោកវរសេនីយ៍ឯក ឆេត ញ៉ា នាយការិយាល័យគ្រប់គ្រងអាវុធគ្រឿងផ្ទុះជាតិពុលបានធ្វើការប្រគល់គ្រាប់ នៅស្នងការដ្ឋាននគរបាលខេត្តសៀមរាបឱ្យទៅអង្គការស៊ីម៉ាក់ (CMAC) សរុបចំនួន១០៨គ្រាប់ ។
ក្នុងនោះគ្រាប់មួយចំនួនយកទៅរក្សាទុកនៅឃ្លាំងមានសុវត្ថិភាពនៃស្នងការនគរបាលខេត្ត និងមួយចំនួនទៀត ជាសំណល់ជាតិផ្ទុះដែលប្រមូលបានតាមបណ្ដាស្រុក ដូច្នេះត្រូវប្រគល់ឱ្យអង្គភាពជំនាញ (CMAC) យកទៅកម្ទេចចោល ។
លោកវរសេនីយ៍ឯក ឆេត ញ៉ា នាយការិយាល័យគ្រប់គ្រងអាវុធគ្រឿងផ្ទុះជាតិពុលនៃស្នងការនគរបាលខេត្តបានមានប្រសាសន៍ថា ដោយមានអនុវត្តតាមការណែនាំពីសំណាក់លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តលោកបានការប្រគល់គ្រាប់នៅស្នងការដ្ឋាននគរបាលខេត្តសៀមរាបឱ្យទៅអង្គការស៊ីម៉ាក់ (CMAC) សរុបចំនួន១០៨គ្រាប់ ក្នុងនោះមាន មាន M៧៩ ចំនួន0៩គ្រាប់, ៦០មមចំនួន១០គ្រាប់ , គ្រាប់បែកដៃចំនួន០៩គ្រាប់ , គីបមីនចំនួន ៨០គ្រាប់ , គ្រាប់១២.៧ចំនួន០៦គីឡូក្រាម ។
លោកបានបញ្ជាក់បន្ថែមថា គ្រាប់ដែលខូចគុណភាពខាងលើមួយចំនួនរក្សាទុកនៅក្នុងឃ្លាំងមានសុវត្ថិភាពនៃស្នងការនគរបាលខេត្ត និងមួយចំនួនទៀតជាសំណល់ជាតិផ្ទុះដែលប្រមូលបានតាមបណ្ដាស្រុក ដូច្នេះត្រូវប្រគល់ឱ្យអង្គភាពជំនាញ (CMAC) យកទៅកម្ទេចចោល ដើម្បីបញ្ចៀសនូវគ្រោះថ្នាក់ទៅថ្ងៃក្រោយ ៕
ចែករំលែកព័តមាននេះ