ខេត្តបន្ទាយមានជ័យ ៖ ពលករខ្មែរម្នាក់ស្លាប់យ៉ាងរន្ធត់ដោយសារថយន្តបុកពេលកំពុងជិះកង់នេះបើយោងតាមការផ្សាយរបស់គេហទំព័រ និងកាសែតរបស់ថៃមួយ។ ហេតុការណ៍នេះបានកើតឡើងកាលពីវេលាម៉ោងជិត១១យប់ថ្ងៃទី៥ កញ្ញា ២០១៨ នៅស្រុកឧថៃ ខេត្តព្រះនគរស៊ីអាយុធ្យា ប្រទេសថៃ។…
ខេត្តបន្ទាយមានជ័យ ៖ ពលករខ្មែរម្នាក់ស្លាប់យ៉ាងរន្ធត់ដោយសារថយន្តបុកពេលកំពុងជិះកង់នេះបើយោងតាមការផ្សាយរបស់គេហទំព័រ និងកាសែតរបស់ថៃមួយ។ ហេតុការណ៍នេះបានកើតឡើងកាលពីវេលាម៉ោងជិត១១យប់ថ្ងៃទី៥ កញ្ញា ២០១៨ នៅស្រុកឧថៃ ខេត្តព្រះនគរស៊ីអាយុធ្យា ប្រទេសថៃ។
ជនរងគ្រោះដែលស្លាប់ខាងលើឈ្មោះចន សុភ័ក្រ ភេទប្រុស អាយុ២៣ឆ្នាំ ជាពលករខ្មែរ ប៉ុន្តែមិនទាន់ដឹងថាធ្វើការផ្នែកអ្វី និងស្រុកកំណើតនៅខេត្តណានៅឡើយទេ។ ជនរងគ្រោះបានស្លាប់នៅនឹងកន្លែងជាមួយកង់១គ្រឿងរងការខូចខាតខ្ទេច ដោយសារត្រូវរថយន្តមួយគ្រឿងបុកពេញទំហឹងម៉ាកភីកអាប់ អ៊ីស៊ុយហ្ស៊ុយឌីម៉ែក ពណ៌ខ្មៅ ពាក់ស្លាកលេខ ថៃ ១៥៤៥ ស៊ីងបុរី ។
ករណីគ្រោះថ្នាក់ខាងលើនេះ អ្នកបើកបររថយន្តបាននិយាយថា ដំបូងគាត់បើករថយន្តមកពីក្រុងបាងកក ហើយឡើងស្ពានដើម្បីបត់ទៅផ្ទះក្នុងស្រុកកើតហេតុ តែចៃដន្យក៏ជ្រុលបុកជនរងគ្រោះកំពុងជិះកង់ក្នុងទិសដៅបញ្ច្រាសគ្នា ស្ថិតនៅចំណុចផ្លូវភ្លោះ បណ្តាលឲ្យជនរងគ្រោះស្លាប់នៅនឹងកន្លែងកើតហេតុតែម្តង ។ យ៉ាងណាក៏ដោយ ពេលនេះអ្នកបើកបររថយន្តត្រូវបានសមត្ថកិច្ចថៃឃាត់ខ្លួន និងកំពុងសាកសួរ៕
ចែករំលែកព័តមាននេះ