ក្រុមហ៊ុន Apple បានព្រមានប្រាប់អតិថិជនរបស់ខ្លួនពីបញ្ហាដែលកាន់តែច្បាស់ និងមានគ្រោះថ្នាក់មួយដែលកើតមានលើទូរស័ព្ទ iPhone 8 ។ យោងតាមគេហទំព័ររបស់ក្រុមហ៊ុននេះ Appleបានព្រមានដល់អតិថិជនថា ទូរស័ព្ទ…
ក្រុមហ៊ុន Apple បានព្រមានប្រាប់អតិថិជនរបស់ខ្លួនពីបញ្ហាដែលកាន់តែច្បាស់ និងមានគ្រោះថ្នាក់មួយដែលកើតមានលើទូរស័ព្ទ iPhone 8 ។
យោងតាមគេហទំព័ររបស់ក្រុមហ៊ុននេះ Appleបានព្រមានដល់អតិថិជនថា ទូរស័ព្ទ iPhone 8 របស់ពួកគេមានបញ្ហា Logic Board ដែលមានចំណុចខ្វះខាតនៅពេលផលិត ហើយទូរស័ព្ទដែលមានបញ្ហានេះនឹងជួបប្រទះការបិទបើកឡើងវិញ ការគាំងស្គ្រីន ឬមិនអាចបើកដំណើរការបានទាំងស្រុង ។
ទោះយ៉ាងនេះក្ដី Apple បានឲ្យដឹងថា មានភាគរយតិចប៉ុណ្ណោះនៃiPhone 8 ដែលមានបញ្ហានេះ ប៉ុន្តែAppleបានឲ្យដឹងថា បញ្ហាលើ iPhone 8 ដែលកើតមានឡើងក្នុងរយៈពេល៦ខែចាប់ពីខែកញ្ញាឆ្នាំ២០១៧ ដល់មីនាឆ្នាំ២០១៨នេះ ឃើញកើនមានក្នុងប្រទេសចិន, ហុងកុង, ឥណ្ឌា, ជប៉ុន, ម៉ាកាវ, នូវែលសេឡង់ និងសហរដ្ឋអាមេរិក ។
ដើម្បីដឹងថា ទូរស័ព្ទរបស់អ្នកមានបញ្ហាឬទេ អ្នកអាចវាយលេខ Serial Number ក្នុង Checker របស់Apple ជាការស្រេច ។ Apple ផ្តល់សេវាជួសជុលដោយមិនគិតថ្លៃដល់ម្ចាស់ទូរស័ព្ទដែលទិញពីក្រុមហ៊ុនផ្ទាល់មិនផុតពី
៣ឆ្នាំ។
Apple បានព្រមានទៀតថា ៖«ប្រសិនបើ iPhone 8 មានការខូចខាតដែលប៉ះពាល់ដល់សមត្ថភាពក្នុងការសម្រេចការជួសជុលដូចជាការបែកស្គ្រីន បញ្ហានេះត្រូវតែដោះស្រាយមុនពេលចូលប្រើសេវាកម្មរបស់ក្រុមហ៊ុន ។ ក្នុងករណីខ្លះទៀត ការចំណាយបន្ថែម អាចនឹងគិតលើការជួសជុល »។
ការព្រមានរបស់ Apple មានន័យថា បញ្ហា Hardware ដ៏ធ្ងន់ធ្ងរបានប៉ះពាល់ដល់ iPhone 8, iPhone 7 និង iPhone 6 ។ ក្រុមហ៊ុននេះអាចនឹងផ្អាកការចេញ iPhone 9 សិនទៀតផង ៕
ចែករំលែកព័តមាននេះ