រាជធានីភ្នំពេញ ៖ សេចក្តីរាយការណ៍ឱ្យដឹងថា ជនសង្ស័យប្រុស-ស្រី៤នាក់ ធ្វើសកម្មភាពកាច់សោ.កម៉ូតូ១គ្រឿងរបស់មន្ត្រីនគរបាលម្នាក់បានសម្រេច ហើយបានយកម៉ូតូទៅលាក់ទុកនៅក្នុងផ្ទះមួយកន្លែង ។ ខណៈនោះ ត្រូវម្ចាស់ម៉ូតូបានប្ដឹងសុំអន្តរាគមន៍ពីកម្លាំងនគរបាលនៃអធិការដ្ឋានខណ្ឌដង្កោ ជួយស្រាវជ្រាវ ព្រោះម៉ូតូដែលបាត់ មានភ្ជាប់ប្រព័ន្ធGPS ក៏ត្រូវកម្លាំងរកឃើញវិញ ហើយថែមទាំងក្របួចជាប់ទាំងចង្កោមតែម្តង កាលពីវេលាម៉ោង០៧ និង៣០នាទីយប់ថ្ងៃទី០៥ កញ្ញា ស្ថិតនៅត្រង់ចំណុចមុខផ្ទះលេខ៦E0 ផ្លូវបេតុងលេខ០១បុរីពិភពថ្មី ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
សេចក្តីរាយការណ៍បន្តថា ជនសង្ស័យទាំង៤នាក់ ១-ឈ្មោះ ចាន់ ណារិន ភេទស្រី អាយុ១៨ឆ្នាំ ជាអ្នកម៉ាស្សា ស្នាក់នៅផ្ទះគ្មានលេខ ភូមិតាឡី សង្កាត់ដង្កោ ខណ្ឌដង្កោ ២-ឈ្មោះ ឃុន សិទ្ធណារ៉ា ភេទប្រុស អាយុ២៥ឆ្នាំ ជាយោធា មានទីលំនៅក្នុងភូមិថ្មី សង្កាត់ដង្កោ ខណ្ឌដង្កោ ៣-ឈ្មោះ សយ សំបុត្រ ភេទប្រុស អាយុ២៧ឆ្នាំ មានទីលំនៅផ្ទះគ្មានលេខ ភូមិតាឡី សង្កាត់ដង្កោ ខណ្ឌដង្កោ និង៤-ឈ្មោះ ចាន់ រស្មី ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិតាឡី សង្កាត់ដង្កោ ខណ្ឌដង្កោ ។
ប្រភពបន្តថា កម្លាំងដកហូតបានម៉ូតូម៉ាកហុងដាប៊ីត(BAET) ពណ៌ក្រហម លាយស គ្មានស្លាកលេខ និងមានលេខតួ 9006229 និងលេខម៉ាស៊ីន 9006344 មួយគ្រឿង ,ម៉ូតូម៉ាកអេសអឹល(SL)ពណ៌ខ្មៅ ពាក់ស្លាកលេខ ភ្នំពេញ1AF-5949លេខតួ1002756 លេខម៉ាស៊ីន1002815មួយគ្រឿង ,ម៉ូតូម៉ាក
និច(NEX)ពណ៌ស ខ្មៅ ពាក់ស្លាកលេខភ្នំពេញ1GF-4621 លេខតួនិងលេខម៉ាស៊ីន323555 មួយគ្រឿង ,រួមទាំងសម្ភារៈប្រើប្រាស់គ្រឿងញៀននិងសោរសម្រាប់ដោះគ្រឿងម៉ូតូមួយចំនួន ទៀត។
ប្រភពដដែលបន្តទៀតថា ម៉ូតូដែលត្រូវជនសង្ស័យលួចនោះម៉ាកនិច(NEX)ពណ៌ស ខ្មៅ ពាក់ស្លាកលេខភ្នំពេញ1GF-4621 ជាកម្មសិទ្ធិរបស់បុរសម្នាក់ឈ្មោះ ឆោម កក្កដា អាយុ២៩ឆ្នាំ ជាមន្ត្រីនគរបាល មានទីលំនៅផ្ទះលេខ៦១E0 ផ្លូវបេតុងលេខ០១ បុរីពិភពថ្មី ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ នៅវេលាម៉ោង១១ព្រឹកថ្ងៃកើតហេតុ ក្មេងប្រុសជំទង់ម្នាក់ឈ្មោះ ឆោម សុវន្ត័ អាយុ១៦ឆ្នាំ ត្រូវជាប្អូនបង្កើតរបស់មន្ត្រីនគរបាលឈ្មោះ ឆោម កក្ដដា នោះបានជិះម៉ូតូម៉ាកនិច(NEX)ខាងលើ ទៅទុកនៅខាងមុខផ្ទះ ។
បន្ទាប់មក បានដើរចូលទៅក្នុងផ្ទះរួចដេកលេង។ រហូតដល់វេលាម៉ោង០៧ និង៣០នាទីយប់ថ្ងៃដដែល ទើបដើរចេញពីក្នុងផ្ទះមើលម៉ូតូ ស្រាប់តែបាត់មិនឃើញ ទើបមានការភ្ញាក់ផ្អើលឆោឡោតែម្តង ។
ចែករំលែកព័តមាននេះ