សារព័ត៌មានបរទេសផ្សាយថា ពិធីសម្តែងការកាន់ទុក្ខ«រាជិនីនៃបទចម្រៀងសូឡូ» អារីថា ហ្វ្រែងគ្លីន(Aretha Franklin) កាលពីថ្ងៃទី៣១ សីហា ២០១៨ បានផ្ដោតជាសំខាន់លើការមានទុក្ខពីអ្នកគាំទ្រគ្រប់រូបនៅទូទាំងពិភពលោក និងជាការកាន់ទុក្ខក្នុងដំណាក់កាលចុងក្រោយ ។
ក្នុងពិធីនោះមានការរិះគន់មួយតាមរយៈរូបភាពក្នុងពេលកំពុងថ្លែងការកាន់ទុក្ខរបស់ព្រះគ្រូឆាឡេស អេលលីស (Charles H. Ellis) ដែលឈរនៅក្បែរតារាចម្រៀងដ៏ល្បី គឺនាងអារីយ៉ាណា ហ្គ្រង់ដេ(Ariana Grande) ប៉ុន្តែដៃរបស់ព្រះគ្រូបានអោបនៅត្រង់ចង្កេះ និងរំកិលឡើងទៅប៉ះសុដន់របស់នាង ។
ព្រះគ្រូបានថ្លែងសុំទោសជាសាធារណៈតាមសារព័ត៌មានដោយបញ្ជាក់ថា នៅពេលកើតហេតុមិនបានគិតថានឹងមានស្ថានភាពបែបនេះទេ ព្រោះយល់ថាកំពុងអោបចង្កេះរបស់តារាចម្រៀង ។
ព្រះគ្រូបានរៀបរាប់បន្តទៀតថាពិធីសម្តែងការកាន់ទុក្ខនាងអារីថា ហ្វ្រែងគ្លីន ក្នុងថ្ងៃនោះគាត់បានអោបសិល្បករទាំងប្រុសទាំងស្រី ជាការផ្ដល់កម្លាំងចិត្តដល់ពួកគេ និងជាយុទ្ធសាស្ត្រមួយរបស់គ្រឹស្តសាសនិកដែលបង្ហាញពីក្ដីស្រឡាញ់ ៕
ចែករំលែកព័តមាននេះ