ការមានកល្យាណមិត្ត កើតចេញពីការណែនាំចង្អុលបង្ហាញពីមិត្តភក្តិគឺជារឿងប្រសើរ ព្រោះអ្នកដែលបានណែនាំស្គាល់ចរិត ស្គាល់ឥរិយាបថល្អរបស់មនុស្សនោះរួចហើយ ។ ការចេះជ្រើសរើសសេពគប់បុគ្គល ឬចូលរួមពួកក្រុម ចូលរួមក្នុងសង្គមជាមួយលោកអ្នកដែលមានគុណធម៌ មានបញ្ញា និងសមត្ថភាព…
ការមានកល្យាណមិត្ត កើតចេញពីការណែនាំចង្អុលបង្ហាញពីមិត្តភក្តិគឺជារឿងប្រសើរ ព្រោះអ្នកដែលបានណែនាំស្គាល់ចរិត ស្គាល់ឥរិយាបថល្អរបស់មនុស្សនោះរួចហើយ ។
ការចេះជ្រើសរើសសេពគប់បុគ្គល ឬចូលរួមពួកក្រុម ចូលរួមក្នុងសង្គមជាមួយលោកអ្នកដែលមានគុណធម៌ មានបញ្ញា និងសមត្ថភាព អាចជួយផ្ចុងផ្តើម គាំទ្រ ណែនាំចង្អុលបង្ហាញផ្លូវប្រាប់របៀបរបប រហូតដល់បានជាគ្រឿងពឹងពំនាក់អាស្រ័យដល់គ្នានិងគ្នា ដើម្បីឲ្យជីវិតដំណើរការទៅប្រកបដោយវឌ្ឍនភាព ក្នុងការសិក្សាអប់រំ ការគ្រប់គ្រងជីវិត ការប្រកបកិច្ចការឱ្យប្រព្រឹត្តជាចីរភាព ។
ព្រះពុទ្ធធ្វើជាកល្យាណមិត្តនៃពួកសត្វអប់រំណែនាំឱ្យដើរតាមផ្លូវដែលមានប្រយោជន៍ និងបង្ហាញផ្លូវឱ្យរួចផុតចាកជរា ព្យាធិ និងមរណៈទៅកាន់បរមសុខពោលគឺព្រះនិព្វានផុតទុក្ខទាំងពួង ។
ការមានកល្យាណមិត្ត រមែងប្រព្រឹត្តទៅដើម្បីប្រយោជន៍ដ៏ធំធេង, ដើម្បីភាពគង់វង្សនៃការជួយឃុំគ្រងរក្សា និងមិនសាបសូន្យ មិនអន្តរធាននៃអំពើល្អ ។
ចែករំលែកព័តមាននេះ