រាជធានីភ្នំពេញ ៖ ដូចជាការគ្រោងទុកនៅព្រឹកថ្ងៃទី0៦ ខែកញ្ញានេះ រដ្ឋសភាបានបន្តបើក សម័យប្រជុំជ្រើសក្បាលម៉ាស៊ីនរដ្ឋសភា និងសមាជិករាជរដ្ឋាភិបាល ។
ការជ្រើសរើសសមាជិកសភាអាណត្តិទី៦ថ្មី និងសមាជិករាជរដ្ឋាភិបាលនេះបន្ទាប់ពីរដ្ឋសភាបានបើកសម័យប្រជុំលើកដំបូង កាលពីថ្ងៃទី0៥ ខែកញ្ញា ឆ្នាំ២០១៨ កន្លងមក ។
ដើម្បីប្រកាសសុពលភាពសមាជិករដ្ឋសភាទាំងអស់១២៥រូប ក្រោមអធិបតីភាពព្រះករុណាសម្តេចព្រះបាទនរោត្តមបរមនាថសីហមុនីព្រះមហាក្សក្សនៃព្រះរាជាណាចក្រកម្ពុជា ។ សមាជិកទាំង១២៥រូប សុទ្ធតែមកកើតចេញពីគណបក្សប្រជាជនកម្ពុជាទាំងអស់ដែលឆ្លងកាត់ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ កាលពីថ្ងៃទី២៩ កក្កដា ឆ្នាំ២០១៨កន្លងមក ។
សម័យប្រជុំរដ្ឋសភានៅព្រឹកថ្ងៃទី៦ កញ្ញានេះ ក្រោមអធិបតីភាពសម្តេចពញ្ញាចក្រី ហេង សំរិន ប្រធានរដ្ឋសភាបណ្តោះអាសន្ន និងមានការអញ្ជើញចូលរួមពីសម្តេចតេជោ ហ៊ុន សែន នាយករដ្ឋមន្ត្រី ។ អ្វីដែលសំខាន់នោះនៅព្រឹកថ្ងៃទី០៦ កញ្ញានេះ របៀបវារៈសំខាន់ក្នុងសម័យប្រជុំ គឺការបោះឆ្នោតជ្រើសប្រធានរដ្ឋសភា អនុប្រធានទី១ អនុប្រធានទី២ រដ្ឋសភា ប្រធាន និងអនុប្រធានគណៈកម្មការទាំងអស់នៅក្នុងរដ្ឋសភា ។
ជាងនេះការផ្តល់សេចក្តីទុកចិត្តសមាជិករាជរដ្ឋាភិបាលថ្មីដែលត្រូវបានលាក់បាំងអស់ជាច្រើនខែមកហើយ ៕
ចែករំលែកព័តមាននេះ