លោក DUTERTE ឲ្យចាប់ខ្លួនមេដឹកនាំប្រឆាំងសំខាន់ម្នាក់
ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីនលោក RODRIGO DUTERTE កាលពីថ្ងៃទី៤កញ្ញា បានចេញបញ្ជាឲ្យចាប់ខ្លួនព្រឹទ្ធសមាជិក លោក ANTONIO TRILLANES…
ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីនលោក RODRIGO DUTERTE កាលពីថ្ងៃទី៤កញ្ញា បានចេញបញ្ជាឲ្យចាប់ខ្លួនព្រឹទ្ធសមាជិក លោក ANTONIO TRILLANES…
ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីនលោក RODRIGO DUTERTE កាលពីថ្ងៃទី៤កញ្ញា បានចេញបញ្ជាឲ្យចាប់ខ្លួនព្រឹទ្ធសមាជិក លោក ANTONIO TRILLANES ជាជនប្រឆាំងសំខាន់ម្នាក់ ក្នុងចំណោមជនប្រឆាំងសំខាន់ៗរបស់លោក ហើយលោកអាចក្លាយជាព្រឹទ្ធសមាជិកទី២ដែលត្រូវនាំខ្លួនទៅកាត់ទោស។
បច្ចុប្បន្នស្ថិតក្នុងព្រឹទ្ធសភាដើម្បីចៀសវាងពីការចាប់ខ្លួននេះ លោក TRILLANES ជាឥស្សរជនមួយរូបដែលរិះគន់ខ្លាំងបំផុតចំពោះសង្គ្រាមបង្ហូរឈាមប្រឆាំងគ្រឿងញៀន ប្រកាសដោយប្រធានាធិបតី ដែលលោកក៏ចោទដែរថា ពុករលួយ។ ម្យ៉ាងទៀតលោកធ្វើឲ្យប្រធានាធិបតីរិតតែខឹង ព្រោះហ៊ានចោទប្រកាន់កូនប្រុសលោក គឺលោក PAOLO ថាស្ថិតក្នុងក្រុមរត់ពន្ធគ្រឿងញៀនចិនមួយ ដែលនាំចូលហ្វ៊ីលីពីននូវមេតំហ្វេតាមីនក្នុងប្រមាណច្រើន។
ជនប្រឆាំងរូបនេះបានចាត់ទុកបញ្ជាចាប់ខ្លួនលោករបស់ប្រធានាធិបតីថា ក្នុងគោលដៅនយោបាយ មានលក្ខណៈស្រដៀងគ្នានឹងការចាប់ខ្លួនព្រឺទ្ធសមាជិកា លោកស្រីLEILA DE LIMA កាលពីខែកុម្ភៈឆ្នាំ២០១៧ដែរ។
បទបញ្ជាចាប់ខ្លួនលោកTRILLANESទាក់ទិននឹងការលុបចោលការលើកលែងទោសដែលលោកបានទទួលកាលពីឆ្នាំ២០១០ ជាទោសជាប់ចោទពីបទចូលរួមក្នុងរដ្ឋប្រហារប្រឆាំងអតីតប្រធានាធិបតី លោកស្រីក្លូរៀអារ៉ូយ៉ូ។
បទបញ្ជាចាប់ខ្លួនចេញផ្សាយដោយកាសែត MANILLA TIMES សរសេរថា កងទ័ពនិងប៉ូលិសជាតិហ្វ៊ីលីពីនបានទទួលបញ្ជាឲ្យប្រើប្រាស់គ្រប់មធ្យោបាយដើម្បីចាប់ខ្លួនលោកTRILLANES។
ប្រធានាធិបតីហ្វ៊ីលីពីនដែលទៅបំពេញទស្សនកិច្ចមួយនៅអ៊ីស្រាអែលនោះ នាថ្ងៃទី៤កញ្ញា បានជួបជាមួយសមភាគីអ៊ីស្រាអែលលោក REUVEN RIVLIN នៅក្រុងហ្សេរុយសាឡឹម ដោយនាឱកាសនោះលោក RIVLIN លើកពីរឿងប្រវត្តិសាស្ត្រមួយថា ហ៊ីត្លែរតាមពិតជាបិសាចមួយ ជាបិសាចលើភពផែនដី។ សម័យសង្គ្រាមលោកលើកទី២
មនុស្សរបស់ហ៊ីត្លែរសម្លាប់ជនជាតិជ្វីវអស់៦លាននាក់។
៣ខែក្រោយលោកឡើងកាន់អំណាច លោក DUTERTE ធ្លាប់និយាយថា ហ៊ីត្លែរ សម្លាប់ពួកជ្វីវ៣លាននាក់ ហើយនៅហ្វ៊ីលីពីនមានអ្នកសេពគ្រឿងញៀន៣លាននាក់ ហើយខ្ញុំរីករាយនឹងសម្លាប់ពួកគេ៕
ចែករំលែកព័តមាននេះ