សហរដ្ឋអាមេរិក ៖ យោងតាមសារព័ត៌មានអាមេរិកជាច្រើនថា អតីតប្រធានាធិបតីលោកបារ៉ាក់ អូបាម៉ា ដែលធ្លាប់ប្រកាសពីការដកខ្លួនថយរបស់លោកពីឆាកនយោបាយ ក្រោយលោកដូណាល់ ត្រាំ ជាប់ឆ្នោតកាលពីឆ្នាំ២០១៦នោះ នឹងវិលត្រឡប់មកកាន់ឆាកនយោបាយវិញនាសប្ដាហ៍នេះ…
សហរដ្ឋអាមេរិក ៖ យោងតាមសារព័ត៌មានអាមេរិកជាច្រើនថា អតីតប្រធានាធិបតីលោកបារ៉ាក់ អូបាម៉ា ដែលធ្លាប់ប្រកាសពីការដកខ្លួនថយរបស់លោកពីឆាកនយោបាយ ក្រោយលោកដូណាល់ ត្រាំ ជាប់ឆ្នោតកាលពីឆ្នាំ២០១៦នោះ នឹងវិលត្រឡប់មកកាន់ឆាកនយោបាយវិញនាសប្ដាហ៍នេះ ។
លោកអូបាម៉ា នាថ្ងៃទី៧ កញ្ញា នឹងមកកាន់សាកលវិទ្យាល័យអ៊ីលលីណយដើម្បីទទួលពានរង្វាន់មួយ ហើយថ្លែងសុន្ទរកថាមួយនៅទីនោះ។ បន្ទាប់មកលោកនឹងទៅកាន់នាបណ្ដាសប្ដាហ៍ខាងមុខ រដ្ឋកាលីហ្វ័រនីញ៉ា អូហៃយ៉ូនិងផេនស៊ីលវេនៀ ។
លើសពីប្រធានបទនៃយុទ្ធនាឃោសនា ប្រធានាធិបតីទី៤៤ របស់អាមេរិករូបនោះ ត្រូវបញ្ចុះបញ្ចូលបណ្ដាអ្នកគាំទ្រគណបក្សប្រជាធិបតេយ្យ ឲ្យទៅបោះឆ្នោតសភា ពាក់កណ្ដាលអាណត្តិ ខណៈការបោះឆ្នោតអនុប្បវាទច្រើនធ្លាប់ធ្វើឲ្យគណបក្សលោកចាញ់ឆ្នោតប្រធានាធិបតីកាលពីឆ្នាំ២០១៦។ ម្យ៉ាងទៀតការបោះឆ្នោតសភានាខែវិច្ឆិកា តាមទម្លាប់ពុំសូវមានមនុស្សចូលរួមច្រើនកុះករឡើយ។
យោងតាមទីប្រឹក្សារបស់លោកគឺលោកស្រី KATIE HILL ថា លោកអូបាម៉ាក៏ត្រូវអំពាវនាវផងដែរដល់ជនរួមជាតិឲ្យបដិសេធនយោបាយផ្ដាច់ការនិយម ។ ដោយពិនិត្យឃើញថា ក្នុងផ្ទៃគណបក្សប្រជាធិបតេយ្យបច្ចុប្បន្ន ពុំមានមនុស្សលេចធ្លោរណាមួយជាប្រមុខ លោកអូបាម៉ា ត្រូវបានមនុស្សមួយចំនួនចាត់ទុកដូចជាលោកមេស៊ី សម្រាប់ជួយគណបក្សលោកឲ្យដណ្ដើមបានការត្រួតត្រាសភា ៕
ចែករំលែកព័តមាននេះ