ខេត្តកំពង់ស្ពឺ ៖ ជនសង្ស័យ២នាក់បានប្រើល្បិចបំភ័ន្តភ្នែកសមត្ថកិច្ចដោយយកថ្នាំញៀនញាត់ចូលសម្បកស្ករកៅស៊ូ តែសមត្ថកិច្ចស្ទាក់ឆែកឆេររកឃើញ ក៏បានឃាត់ខ្លួនចាត់ការតាមច្បាប់ ។ ហេតុការណ៍នេះបានកើតឡើងនៅលើផ្លូវលំ ចំណុចទួលដា ភូមិព្រៃច្រេស ឃុំអូរ…
ខេត្តកំពង់ស្ពឺ ៖ ជនសង្ស័យ២នាក់បានប្រើល្បិចបំភ័ន្តភ្នែកសមត្ថកិច្ចដោយយកថ្នាំញៀនញាត់ចូលសម្បកស្ករកៅស៊ូ តែសមត្ថកិច្ចស្ទាក់ឆែកឆេររកឃើញ ក៏បានឃាត់ខ្លួនចាត់ការតាមច្បាប់ ។ ហេតុការណ៍នេះបានកើតឡើងនៅលើផ្លូវលំ ចំណុចទួលដា ភូមិព្រៃច្រេស ឃុំអូរ ស្រុកភ្នំស្រួច កាលពីវេលាម៉ោង៤ល្ងាចថ្ងៃទី៤ ខែកញ្ញា ឆ្នាំ២០១៨។
ជនសង្ស័យទាំង២នាក់ខាង ម្នាក់ឈ្មោះឆិល ធី ភេទប្រុស អាយុ២០ឆ្នាំ និងម្នាក់ទៀតឈ្មោះបូ រស្មី ភេទប្រុស អាយុ១៧ឆ្នាំ ។ ពួកគេទាំង២នាក់រស់នៅភូមិថ្មី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ។វ ត្ថុតាងដកហូតមានថ្នាំញៀន១កញ្ចប់តូចលាក់ក្នុងកញ្ចប់ស្ករកៅស៊ូ ដែកកេះ១ ម៉ូតូ១គ្រឿង ធុនសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ កំពង់ស្ពឺ ១B-៣២១០។
ប្រភពព័ត៌មានពីសមត្ថកិច្ចនគរបាលផ្នែកប្រឆាំងគ្រឿងញៀនអធិការដ្ឋាននគរបាលស្រុកភ្នំស្រួចបានឲ្យដឹងថា មុនកើតហេតុ កម្លាំងនគរបាលបានល្បាតតាមចំណុចគោលដៅប្រឈម ក៏បានប្រទះឃើញមុខសញ្ញាចាស់ កំពុងបើកម៉ូតូ១គ្រឿងឌុបគ្នាតាមផ្លូវលំ ក៏ឃាត់ឆែកឆេរលើខ្លួនរកឃើញថ្នាំញៀន១កញ្ចប់តូចលាក់ក្នុងសម្បកស្ករកៅស៊ូ ក៏មកចាត់ការតាមនីតិវិធី។
បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចនៃមកអធិការដ្ឋានស្រុកភ្នំស្រួច ដើម្បីកសាងសំណុំរឿងបញ្ជូនឡើងតុលាការចាត់ការតាមច្បាប់៕
ចែករំលែកព័តមាននេះ