ខេត្តតាកែវ ៖ យ៉ាងហោចណាស់តូបលក់ដូរប្រមាណជាង១០០តូបត្រូវបានអគ្គីភ័យឆេះបំផ្លាញស្ទើតែអស់គ្មានសល់នៅវេលាម៉ោង២និង០០នាទីរំលងអធ្រាត្រថ្ងៃទី៥ ខែកញ្ញា ឆ្នាំ២០១៨ នៅក្នុងផ្សារព្រៃល្វា ស្ថិតក្នុងភូមិព្រៃល្វាកើត ឃុំព្រៃល្វា ស្រុកព្រែកប្បាស ខេត្តតាកែវ ។
លោក ជុំ ឈឿន អធិការនគរបាលស្រុកព្រែកប្បាសបានអោយដឹងថា តូបលក់ដូរដែលត្រូវអគ្គីភ័យបានឆាបឆេះលក់ឥវ៉ាន់ចាប់ហួយ និងសម្ភារចម្រុះខូចខាតប្រហែល ៥% នៃចំនួនតូបផ្សារទាំងអស់ រីឯទីតាំងដែលឆាបឆេះដំបូងគេ ខូចខាតប្រហែល ៩០% ចំពោះសម្ភារខូចខាត នោះមានចំនួន១២០តូប មូលហេតុដោយសារតែផ្ទុះស្សេខ្សែភ្លើងចេញពីតូបរបស់ឈ្មោះ សួយ និងឈ្មោះ ជា ។
នៅមុនពេលមានអណ្តាតភ្លើងឆាបឆេះដោយមានឮសូរសម្លេងផ្ទុះឆេះរីករាលដាលក្រោយទទួលបានព័ត៌មានភ្លាម បន្ទាប់ពីមានករណីមានអគ្គីភ័យឆាប់ឆេះតូបក្នុងផ្សារភ្លាមលោកក៏បានរាយការណ៌ភ្លាមជូនលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ រួចលោកបានដឹកនាំកម្លាំងនគរបាលខេត្ត-ស្រុក សហការជាមួយអាជ្ញាធរពាក់ព័ន្ធចុះអន្តរាគមន៍ជួយពន្លត់អគ្គីភ័យខាងលើ ដោយប្រើប្រាស់រថយន្តពន្លត់អគ្គិភ័យចំនួន៣គ្រឿង និងប្រើប្រាស់ទឹកអស់ចំនួន១៥រថយន្តទើបពន្លត់បានជាស្ថាពរ ។
លោកអធិការនគរបាលស្រុកបានបន្តទៀតថា ចំពោះចំនួនតូបទាំងអស់មាន១២០តូបតែមានក្រុមអាជីវករលក់ដូរក្នុងផ្សារមានតែ៣៩អាជីវករតែប៉ុណ្ណោះដោយតូបមួយចំនួនធំត្រូវអាជីវករទិញសម្រាប់ស្តុបទុកឥវ៉ាន់របស់ពួកគាត់ ៕
ចែករំលែកព័តមាននេះ