Messi ធ្លាក់ចេញពីបញ្ជីម្ចាស់ពាន The Best FIFA Men’s Player ជាលើកដំបូងក្នុង១២ឆ្នាំ
តាមប្រភពព័ត៌មាន Telegraph បានឲ្យដឹងថា កីឡាករជើងខ្លាំង Lionel Messi មិនបានជាប់ក្នុងបញ្ជី Shortlist ទៅកាន់ភាពជាម្ចាស់ពាន Player…
តាមប្រភពព័ត៌មាន Telegraph បានឲ្យដឹងថា កីឡាករជើងខ្លាំង Lionel Messi មិនបានជាប់ក្នុងបញ្ជី Shortlist ទៅកាន់ភាពជាម្ចាស់ពាន Player…
តាមប្រភពព័ត៌មាន Telegraph បានឲ្យដឹងថា កីឡាករជើងខ្លាំង Lionel Messi មិនបានជាប់ក្នុងបញ្ជី Shortlist ទៅកាន់ភាពជាម្ចាស់ពាន Player of the Year ទេនៅក្នុងឆ្នាំនេះ វាជាលើកដំបូងក្នុងរយៈពេល១២ឆ្នាំ ។ Cristiano Ronaldo, Luka Modric និង Mohamed Salah បានស៊ីដាច់កាពីទែនក្រុមអាហ្សង់ទីនដែលលេងបានល្អខ្លាំងឲ្យក្រុមអ្នកមានបុណ្យ Barcelona កាលពីរដូវកាលមុន ។
អតីតអ្នកចាំទីរបស់ក្រុមបិសាចក្រហម Peter Schmeichel សរសើរថា Modric នឹងក្លាយទៅជាម្ចាស់ពានថ្មីនៅឆ្នាំនេះក្នុងទីក្រុងឡុងដ៍ ។ គេបាននិយាយថា ៖«ខ្ញុំគិតថា យើងនឹងមានអ្នកឈ្នះថ្មីក្នុងឆ្នាំនេះ ។ ខ្ញុំគិតថា ការលេងរបស់គេ (Modric) ពិតជាអស្ចារ្យណាស់ ។ ពិតណាស់ នេះបានជាគេបានពានកីឡាករល្អផ្តាច់គេនៅ World Cup ហើយខ្ញុំពិតជារំពឹងថា រូបគេគឺជាអ្នកឈ្នះ» ។
Messi មិនបានជាប់ក្នុងការ Shortlist យកពាន The Best FIFA Men’s Player ជាលើកដំបូងហើយតាំងពីឆ្នាំ២០០៦ ។ រូបគេកន្លងមកតែងតែជាប់ក្នុងតារាង Shortlist ទាំង១០នាក់ដែលរួមមាន Kevin De Bruyne, Raphael Varane, Antoine Greizmann, Eden Hazard, Harry Kane និង Kylian Mbappe ។
គួរបញ្ជាក់ផងដែរថា Ronaldo និង Modric បានជួយ Real Madrid ឲ្យឈ្នះ Champions League លើកទីបួននៅក្នុងរដូវកាលទាំងប្រាំ ។ ជាមួយគ្នានេះដែរ Modric ក៏បានជួយឲ្យក្រុមក្រូអាតអាចឡើងទៅដល់វគ្គផ្តាច់ព្រ័ត្រនៅ World Cup ជាលើកដំបូងផងដែរ ។ Modric បានពាន Best Player សម្រាប់ Champions League សប្តាហ៍មុន ដែល Ronaldo មិនបានចូលរួម ។
ចំណែកឯ Salah របស់ Liverpool វិញបានរកគ្រាប់បាល់ច្រើនដល់ទៅ៣២គ្រាប់ ដែលអាចយកពានស្បែកជើងមាសរបស់ Premier League បាន ខណៈដែលរូបគេក៏បាននាំក្រុមអេហ្ស៊ីបឲ្យឡើងដល់ World Cup ជាលើកដំបូងតាំងពីឆ្នាំ១៩៩០មក ៕
ចែករំលែកព័តមាននេះ