២ករណីផ្សេងគ្នាកើតឡើងក្នុងថ្ងៃតែមួយ ស្លា.ប់ម្នាក់នៅស្រុកភ្នំស្រុក
- បន្ទាយមានជ័យ
ខេត្តបន្ទាយមានជ័យ ៖ គ្រោះថ្នាក់ផ្សេងគ្នាកើតឡើងចំនួន២ករណីក្នុងថ្ងៃតែមួយ ក្នុងនោះមានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូបុកជាមួយគោយន្តកន្ត្រៃបណ្តាលឱ្យបុរសម្នាក់រងរបួសធ្ងន់ធ្ងរត្រូវបានគេបញ្ជូនទៅព្យាបាលនៅមន្ទីរពេទ្យបង្អែកភ្នំស្រុក ចំណែកករណីគ្រោះថ្នាក់មួយទៀតគឺបុរសវ័យចំណាស់ម្នាក់បានលង់ទឹកស្លាប់ ។ ករណី២ផ្សេងគ្នានេះបានកើតឡើងកាលពីថ្ងៃទី៣ ខែកញ្ញា ឆ្នាំ២០១៨ នៅស្រុកភ្នំស្រុក…
ករណីទី១-លោកវរសេនីយ៍ឯកយ៉ត សុផល អធិការនគរបាលស្រុកភ្នំស្រុកបានឲ្យដឹងថា កាលពីវេលាម៉ោង៧និង២០នាទីយប់ថ្ងៃទី៣ ខែកញ្ញា ឆ្នាំ២០១៨ មានករណីគ្រោះថ្នាក់ចរាចណ៍មួយបានកើតឡើងរវាងម៉ូតូបុកជាមួយគោយន្តកន្ត្រៃមានដឹកចំរឹងឈើ ស្ថិតនៅចំណុចភូមិធ្នង់ខាងត្បូង ឃុំណាំតៅ ស្រុកភ្នំស្រុក ។
អ្នកបើកបរគោយន្តកន្ត្រៃឈ្មោះបូក ទីន ភេទប្រុស អាយុ២៣ឆ្នាំ រស់នៅភូមិភាស ឃុំសារង្គ ស្រុកស្វាយ
ប្រភពព័ត៌មានបានឱ្យដឹងថា មុនពេលកើតហេតុ បុរសម្នាក់បានបើកបរគោយន្ត១គ្រឿងធ្វើដំណើរក្នុងទិសដៅពីជើងទៅត្បូង លុះពេលមកដល់ចំណុចមុខផ្ទះឈ្មោះទេព មិន ក៏ឈប់ចតដើម្បីចាក់ប្រេងម៉ាស៊ូត ពេលនោះស្រាប់តែមានម៉ូតូ១គ្រឿងម៉ាកហុងដា ពាក់ស្លាកលេខ សៀមរាប ១I-៩០៧២ បើកបរដោយបុរសម្នាក់ ធ្វើដំណើរក្នុងទិសដៅបញ្ច្រាសគ្នាពីត្បូងទៅទិសខាងជើង មកបុកគោយន្តកន្ត្រៃដែលឈប់ចតចាក់ប្រេងម៉ាស៊ូត បណ្តាលអោយអ្នកបើកបរម៉ូតូរងរបួសធ្ងន់ បាក់ជើងស្តាំ និងបែកលលាដ៍ក្បាលខាងស្តាំ ត្រូវបានគេបញ្ជូនទៅមន្ទីរពេទ្យបង្អែកភ្នំស្រុក ។ ចំណែកម៉ូតូនិងគោយន្តត្រូវបានសមត្ថកិច្ចនាំយកមករក្សាទុក ដើម្បីរង់ចាំធ្វើការដោះស្រាយនៅពេលក្រោយ។
ករណីទី២-លោកអធិការបានបញ្ជាក់ទៀតថា នៅថ្ងៃទី៣ កញ្ញា ឆ្នាំ២០១៨នេះដែរ ក៏មានករណីបុរសម្នាក់បានលង់ទឹកស្លាប់ កើតទ្បើងនៅភូមិថ្មីខាងត្បូង ឃុំណាំតៅ ស្រុកភ្នំស្រុក ។
ជនរងគ្រោះដែលស្លាប់ឈ្មោះ សុខ ពេក ភេទប្រុស អាយុ៦៥ឆ្នាំ នៅភូមិថ្មីខាងត្បូង ឃុំណាំតៅ ។
ចែករំលែកព័តមាននេះ