ខេត្តបន្ទាយមានជ័យ ៖ ផ្ទះគ្រូទាយ១ខ្នងបានត្រូវព្រះអគ្គីលេបត្របាក់អស់ទាំងស្រុងសរុបការខូចខាតអស់ប្រមាណ៤.០០០ដុល្លារ កាលពីវេលារំលងអធ្រាត្រ ឈានចូលថ្ងៃទី១ ខែកញ្ញា ស្ថិតក្នុងភូមិកោះកែវ ឃុំឫស្សីក្រោក ស្រុកមង្គលបុរី ។…
ខេត្តបន្ទាយមានជ័យ ៖ ផ្ទះគ្រូទាយ១ខ្នងបានត្រូវព្រះអគ្គីលេបត្របាក់អស់ទាំងស្រុងសរុបការខូចខាតអស់ប្រមាណ៤.០០០ដុល្លារ កាលពីវេលារំលងអធ្រាត្រ ឈានចូលថ្ងៃទី១ ខែកញ្ញា ស្ថិតក្នុងភូមិកោះកែវ ឃុំឫស្សីក្រោក ស្រុកមង្គលបុរី ។
លោកអនុសេនីយ៍ទោ សួន បញ្ញា នាយប៉ុស្តិ៍នគរបាលឃុំឫស្សីក្រោក បានឲ្យដឹងថា ផ្ទះដែលត្រូវព្រះអគ្គីភ័យលេបត្របាក់នេះ មានម្ចាស់ឈ្មោះ ចៅ វ៉ាន់សុខុន ភេទប្រុស អាយុ៣៩ឆ្នាំ មុខរបរគ្រូទាយ ។ តាមម្ចាស់ផ្ទះនិយាយថា ភ្លើងបានឆេះផ្ទះឈើផ្នែកខាងលើ និងឆេះខ្លាំងឡើងៗ ហើយអ្នកជិតខាងបានជួយពន្លត់ដែរ តែមិនអាចពន្លត់បាន ក៏ត្រូវឆេះអស់ទាំងស្រុងផ្ទះឈើខាងលើ និងថ្មក្រោមមានបណ្តាយ១១ម៉ែត្រ និងទទឹង១០ម៉ែត្រ និងខ្យូសសម្រាប់ទស្សន៍ទាយមានបណ្តោយ៩ម៉ែត្រនិងទទឹង៥ម៉ែត្រ ។
លោកនាយប៉ុស្តិ៍ សួន បញ្ញា បញ្ជាក់ថាអគ្គិភ័យនេះបណ្តាលមកពីទុស្សេខ្សែភ្លើង និងត្រូវបានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន៤គ្រឿង ជួយធ្វើអន្តរាគមន៍បាញ់ទឹកពន្លត់ មិនបណ្តាលឱ្យឆេះរាលដាលដល់ផ្ទះអ្នកជិតខាងឡើយ ៕
ចែករំលែកព័តមាននេះ