ទីក្រុងម៉ានីល ៖ លោកប្រធានាធិបតី Rodrigo Duterte របស់ហ្វីលីពីន បានធ្វើទស្សនកិច្ចទៅកាន់ប្រទេសអ៊ីស្រាអែលដែលជាផ្នែកមួយនៃការធ្វើទស្សនកិច្ចក្នុងតំបន់ ព្រមទាំងបានឆៀងចូលទៅប្រទេសហ្ស៊កដានីផងដែរ ។
លោកបាននិយាយកាលពីថ្ងៃអាទិត្យថាលោកចង់បញ្ជាក់ និងបង្កើតទំនាក់ទំនងជាមួយប្រទេសទាំងពីរសាជាថ្មីដែលទទួលយកប្រជាជនហ្វីលីពីនប្រមាណ៧,៦ម៉ឺននាក់ទៅរស់នៅ និងធ្វើការ ។
នៅប្រទេសអ៊ីស្រាអែល លោក Duterte នឹងជួបជាមួយលោកនាយករដ្ឋមន្ត្រី Benjamin Netanyahu និងលោកប្រធានាធិបតី Reuven Rivlin ដើម្បីពិភាក្សាពីកិច្ចព្រមព្រៀងផ្នែកសន្តិសុខ ការងារ និងវិស័យទេសចរណ៍ ។
លោកDuterte ចង់បង្កើនកិច្ចសហប្រតិបត្តិការផ្នែកសន្តិសុខជាមួយនឹងអ៊ីស្រាអែលយ៉ាងខ្លាំង ដែលបានលក់ប្រព័ន្ធរ៉ាដាចំនួន៣ និងរថយន្តក្រោះចំនួន១០០គ្រឿងដល់ប្រទេសហ្វីលីពីន ហើយហ្វីលីពីនក៏កំពុងតែចង់ទិញយន្តហោះផងដែរ ។
យោងតាមទិន្នន័យដែលបានពីរដ្ឋាភិបាលអ៊ីស្រាអែល អ៊ីរ៉ង់នាំចេញបានប្រមាណ ១៤៣លានដុល្លារទៅកាន់ហ្វីលីពីនកាលពីឆ្នាំ២០១៧ ។
លោក Henelito Sevilla អ្នកជំនាញផ្នែកទំនាក់ទំនងអន្តរជាតិនៅសាកលវិទ្យាល័យ University of Philippines បានប្រាប់ដល់សារព័ត៌មានថា ៖« ការធ្វើទស្សនកិច្ចនេះគឺដើម្បីឲ្យលោកប្រធានាធិបតី Duterte ស្វែងរកទីផ្សារទិញអាវុធសម្រាប់កងកម្លាំងរបស់ពួកយើង និងប៉ូលិសជាដើម »៕
ចែករំលែកព័តមាននេះ