ខេត្តកំពង់ស្ពឺ ៖ កុមារីម្នាក់រត់ទៅលេងផ្ទះម្តាយធំដែលនៅក្បែរគ្នាដូចសព្វមួយដង តែដោយគ្មានចាស់ទុំតាមមើល ក៏ដើរទៅក្រោយផ្ទះ ស្រាប់តែរអិលជើងធ្លាក់ទឹកស្រះ បណ្តាលឱ្យលង់ស្លាប់ ។ ហេតុការណ៍នេះបង្កការភ្ញាក់ផ្អើលបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី៣ ខែកញ្ញា…
ខេត្តកំពង់ស្ពឺ ៖ កុមារីម្នាក់រត់ទៅលេងផ្ទះម្តាយធំដែលនៅក្បែរគ្នាដូចសព្វមួយដង តែដោយគ្មានចាស់ទុំតាមមើល ក៏ដើរទៅក្រោយផ្ទះ ស្រាប់តែរអិលជើងធ្លាក់ទឹកស្រះ បណ្តាលឱ្យលង់ស្លាប់ ។ ហេតុការណ៍នេះបង្កការភ្ញាក់ផ្អើលបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី៣ ខែកញ្ញា ឆ្នាំ២០១៨ ស្ថិតក្នុងភូមិអំពៅ ឃុំអូរ ស្រុកភ្នំស្រួច ខេត្តកំពង់ស្ពឺ។
តាមប្រភពព័ត៌មានពីសមត្ថកិច្ចស្រុកភ្នំស្រួច បានឲ្យដឹងថា កុមារីដែលស្លាប់ខាងលើឈ្មោះផៃ សុខខេន អាយុ៥ឆ្នាំ មានឪពុកឈ្មោះផៃ ឈុនលី និងម្តាយឈ្មោះទួន សុខគា អាយុ៣០ឆ្នាំ ។ ពួកគេរស់នៅភូមិអំពៅ ឃុំអូរ ស្រុកភ្នំស្រួច ខេត្តកំពង់ស្ពឺ។
ប្រភពព័ត៌មានពីស្ត្រីឈ្មោះផៃ ធឿន អាយុ៣៥ឆ្នាំ ត្រូវជាម្តាយធំកុមារីរងគ្រោះ រស់នៅក្នុងភូមិកើតហេតុខាងលើ បានប្រាប់សមត្ថកិច្ចថា នៅមុនពេលកើតហេតុ គាត់នៅផ្ទះម្នាក់ឯងរវល់ធ្វើការងារផ្ទះ មិនបានដឹងក្មួយស្រីដើរមកលេងផ្ទះគាត់នោះទេ រហូតឪពុកម្តាយកុមារីរងគ្រោះ បាត់កូនស្រីមិនឃើញនៅផ្ទះ ក៏ដើរមកសួរគាត់ ហើយក៏នាំគ្នាដើររក ស្រាប់តែដប្រទះឃើញសពកុមារីរងគ្រោះស្លាប់អណ្តែតក្នុងស្រះទឹកខាងក្រោយផ្ទះគាត់បាត់ទៅហើយ ពេលនោះឪពុកម្តាយស្រែកទ្រហោយំស្ទុះស្រង់កូនស្រីឡើងមកលើគោកដើម្បីសង្គ្រោះជីវិតដែរ តែហួសពេលទៅហើយ មិនអាចសង្គ្រោះបានទេ។
ក្រោយកើតហេតុ សមត្ថកិច្ចបានចុះមកពិនិត្យ និងធ្វើកោសល្យវិច័យ មិនមានស្លាកស្នាមណាជាប់ពាក់ព័ន្ធនឹងអំពើឃាតកម្មនោះទេ គឺកុមារីរងគ្រោះពិតជាស្លាប់ដោយលង់ទឹកប្រាកដមែន រួចក៏ប្រគល់សពកុមារីរងគ្រោះឲ្យឪពុកម្តាយដើម្បីចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ