ខេត្តមណ្ឌលគិរី ៖ តាមសេចក្តីរាយការណ៍បឋមបានឲ្យដឹងថា ផ្ទះប្រជាពលរដ្ឋចំនួន៣៥គ្រួសារ បានរងផលប៉ះពាល់ដោយទឹកជំនន់ ដោយនៅវេលាម៉ោង៩ព្រឹក ថ្ងៃទី០៣ ខែកញ្ញា ឆ្នាំ២០១៨ នៅភូមិអូរណា…
ខេត្តមណ្ឌលគិរី ៖ តាមសេចក្តីរាយការណ៍បឋមបានឲ្យដឹងថា ផ្ទះប្រជាពលរដ្ឋចំនួន៣៥គ្រួសារ បានរងផលប៉ះពាល់ដោយទឹកជំនន់ ដោយនៅវេលាម៉ោង៩ព្រឹក ថ្ងៃទី០៣ ខែកញ្ញា ឆ្នាំ២០១៨ នៅភូមិអូរណា និងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
សេចក្តីរាយការណ៍បន្តថា គ្រោះធម្មជាតិទឹកជំនន់បង្កឡើង ដោយទឹកភ្លៀងខាងលើនេះ បើតាមព័ត៌មានបឋម ដែលផ្ទះប្រជាពលរដ្ឋចំនួន៣៥គ្រួសារ បានលិច និងផ្លូវមួយចំនួនបានហូរបាក់ តែមិនបណ្តាលឲ្យគ្រោះថ្នាក់ដល់អាយុជីវិតប្រជាពលរដ្ឋឡើយ ។
បច្ចុប្បន្នលោក នួន សារ៉ន អភិបាលស្រុកកែវសីមា និងសហការី កំពុងចុះទៅពិនិត្យប្រមូលស្រង់ព័ត៌មាន ។
បញ្ជាក់ផងដែរថា នៅខេត្តមណ្ឌលគិរី ពិសេសនោះគឺស្រុកកែវសីមាតែម្តង មិនមានទន្លេទេ ប៉ុន្តែមានអូរ ដែលហូរមិនទាន់ព្រោះភ្លៀងធ្លាក់ខ្លាំងពេក ទើបបណ្តាលឲ្យជនក៏មានដែរ៕
ចែករំលែកព័តមាននេះ