ខេត្តក្រចេះ ៖ បុរសរងគ្រោះពីនាក់ប្តីប្រពន្ធបានរងរបួសធ្ងន់ ដោយត្រូវរលាត់ពេញរាងកាយ ដោយសារតែមានការផ្ទុះភ្នក់ភ្លើង ដែលដុតនៅខាងមុខផ្ទះ ដោយគេសង្ស័យថា ការផ្ទុះ បណ្តាលមកពីកំប៉ុងស្ព្រាយបាញ់ខ្លួន ។
ក្រោយកើតហេតុបុរសរងគ្រោះទាំងពីរនាក់ប្តីប្រពន្ធត្រូវបានក្រុមគ្រួសារចាត់ បញ្ជូនមកសង្គ្រោះ នៅនឹងមន្ទីរពេទ្យស្រុកស្នួល កាលពីព្រលប់ថ្ងៃទី០២ កញ្ញានេះ តែហេតុការ នេះមិនបានបង្កឲ្យគ្រោះថ្នាក់ដល់អាយុជីវិតអ្នកទាំងពីរនោះទេ ។
បើតាមនគរបាលមូលដ្ឋានស្រុកស្នួលបានឲ្យដឹងថា ជនរងគ្រោះទាំងពីរនាក់ប្តីប្រពន្ធ មានឈ្មោះ ជឿន ផេន អាយុ៣៣ឆ្នាំ ជាប្តី និងប្រពន្ធឈ្មោះ ទីន ហាន អាយុ២៧ឆ្នាំ រស់នៅឃុំស្រែចារ ស្រុកស្នួល ខេត្តក្រចេះ ។
បើតាមនគរបាលស្រុកស្នួលបានឲ្យដឹងទៀតថា នៅព្រលប់កើតហេតុស្ត្រីជាម្តាយវ័យ ចំណាស់បានប្រមូលសំរាមពីក្នុងផ្ទះមកដាក់ខាងមុខផ្ទះដូចតាមទម្លាប់ ។ ហើយការប្រមូលសំរាមពីក្នុងផ្ទះមកគរដុតស្ត្រីវ័យចំណាស់ជាម្តាយត្រូវគេសន្និដ្ឋានថា អាចមានកំប៉ុងស្ព្រាយបាញ់ខ្លួន(គ្រឿងក្រអូប)មកដុតក្នុងភ្នក់ភ្លើង ។
នៅពេលភ្នក់ភ្លើងកំពុងតែឆេះជនរងគ្រោះទាំង ពីរនាក់ប្តីប្រពន្ធក៏បានប្រមូលសំរាម មកដាក់គរដុតបន្ថែម ភ្លាមនោះក៏បានជួបហេតុការណ៍ផ្ទុះលាន់លឺដូចគ្រាប់ បង្កឲ្យបុរសរងគ្រោះទាំងពីរនាក់ប្តីប្រពន្ធរងរបួសរលាត់លើខ្លួនប្រាណយ៉ាងធ្ងន់ធ្ងរ ។
នគរបាលបានសន្និដ្ឋានថា កំប៉ុងស្ព្រាយបាញ់ខ្លួនដែលជាប្រភេទគ្រឿងក្រអូបនោះមាន សារធាតុហ្គាសទើបបង្កឲ្យផ្ទុះបែបនេះ ៕
ចែករំលែកព័តមាននេះ