ហាងខ្លះលែងមានអក្សរខ្មែរហើយ…ពិតជាអស្ចារ្យ
- សៀមរាប
ខេត្តសៀមរាប ៖ ហាងកាហ្វេ ភោជនីយដ្ឋាន ផ្សាររាត្រី និងបូទិកមួយចំនួន រីកដុះដូចផ្សិត ក្នុងក្រុងសៀម រាប សុទ្ធតែអក្សរបរទេស…
ខេត្តសៀមរាប ៖ ហាងកាហ្វេ ភោជនីយដ្ឋាន ផ្សាររាត្រី និងបូទិកមួយចំនួន រីកដុះដូចផ្សិត ក្នុងក្រុងសៀម
រាប សុទ្ធតែអក្សរបរទេស គ្មានអក្សរខ្មែរ មួយសោះសង្ស័យអាជ្ញាធរខេត្ត និងមន្ទីរពាក់ព័ន្ធ ជាអ្នកបើកភ្លើងខៀវ ធ្វើឱ្យភ្ញៀវជាតិ និងអន្តរជាតិ ដែលចូលមកទស្សនានៅក្នុងខេត្ត ជាពិសេសប្រជាពលរដ្ឋនៅក្នុងខេត្តសៀមរាប មានការរិះគន់ទៅលើអាជ្ញាធរខេត្ត ក៏ដូចជាមន្ទីរពាក់ព័ន្ធមួយចំនួន ដោយមិនបានយកចិត្តទុក
ដាក់ ទៅលើអក្សរជាតិរបស់ខ្លួន ស្មើនឹងមើលងាយជាតិសាសន៍ខ្លួនឯង ។
តាមប្រភពពីម្ចាស់ហាងលក់វត្ថុអនុស្សាវរីយ៍នៅផ្សាររាត្រីក្នុងក្រុងសៀមរាបបានរៀបរាប់ប្រាប់កោះសន្តិ
ភាពនៅព្រឹកថ្ងៃទី៣ ខែកញ្ញា ឆ្នាំ២០១៨នេះថា អ្នកដែលមានលុយបើកហាង ឬលក់វត្ថុអនុស្សាវរីយ៍ ដូចរូបគាត់ដែរ ក៏ដូចជាម្ចាស់ផ្ទះសំណាក់ ឬប៊ូទិក អ្នកខ្លះជួលផ្ទះគេលក់ អ្នកខ្លះជួលដីគេធ្វើតូបលក់ អ្នកខ្លះមានដីលក់ខ្លួនឯង គឺសុទ្ធតែសុំច្បាប់ពីខាងរដ្ឋបាលសាលាខេត្ត នៅច្រកចេញចូលតែមួយទាំងអស់ ហើយចំពោះធ្វើស្លាកយីហោលក់វិញ គឺបានសុំច្បាប់ពីខាង មន្ទីរវប្បធម៌ និងវិចិត្រសិល្បៈខេត្ត និងខាងនាយកទីចាត់ការអន្តរវិស័យសាលាខេត្តផងដែរ បើពុំដូច្នេះទេ ពួកគាត់ពិតជាមិនអនុញ្ញាតិឱ្យលើកស្លាកឡើយ ចុះហេតុអ្វីក៏នៅមានលើកស្លាកយីហោ សុទ្ធតែអក្សរបរទេសរីកដូចផ្សិតយ៉ាងដូច្នេះ ប្រហែលជាមានអ្វីលាក់បាំងនៅពីក្រោយហើយមើលទៅ។
ចំពោះស្លាកយីហោដែលសរសេរអក្សរបរទេស គ្មានអក្សរខ្មែរនោះ ជាក់ស្តែងគឺហាងកាហ្វេ ដែលមានទីតាំងស្ថិតនៅផ្លូវសាលារៀនវត្តបូព៌ ឡើងទៅស្ពានថ្ម ក្នុងភូមិវត្តបូព៌ សង្កាត់សាលាកំរើក ហើយឪពុកជាថ្នាក់ដឹកនាំខេត្តទៀត ហេតុអ្វីបានជាមិនប្រាប់កូនឱ្យរៀបរៀងអក្សរខ្មែរឱ្យធំនៅពីលើអក្សរបរទេសទៅ បែរជាគ្មានអក្សរខ្មែរសោះ ឃើញតែអក្សរបរទេសទៅវិញ ដែលជាគំរូដល់អ្នកផ្សេង នៅជុំវិញខ្លួនផងដែរ។
ចំពោះហាងកាហ្វេដែលធំ ដែលមានទីតាំងជាប់នឹងរង្វង់មូលវត្តដំណាក់ និងមុខវត្តព្រហ្មរ័ត្ន ស្ថិតនៅក្នុងសង្កាត់សាលាកំរើក និងប៊ូទិករបស់បរទេស និងផ្សាររាត្រីផ្សេងទៀត ស្ថិតនៅក្នុងទឹកដី សង្កាត់ស្វាយដង្គំ មិនឃើញមានអក្សរខ្មែរ ប្រហែលពួកគេមើលបណ្តាំហាងរបស់កូនអ្នកមានអំណាចខេត្តហើយមើលទៅ?
ចែករំលែកព័តមាននេះ