ប្រទេសសូម៉ាលី ៖ បើតាមប្រភពព័ត៌មានប៉ូលិសបានរាយការណ៍ឱ្យដឹងថា មនុស្សយ៉ាងតិច៦នាក់ស្លាប់ កាលពីថ្ងៃទី២ កញ្ញា នៅទីក្រុងម៉ូហ្គាឌីស្យូ រដ្ឋធានីសូម៉ាលី ដោយសារការវាយប្រហារអត្តឃាតដោយបំផ្ទុះរថយន្តផ្ទុកគ្រឿងផ្ទុះមួយ ដែលបានកម្ទេចអគាររដ្ឋាភិបាលមួយ ព្រមទាំងសាលាកូរអានមួយកន្លែងផងដែរ។
ការវាយប្រហារនេះ ស្ថិតក្នុងសង្កាត់ភាគកណ្ដាលរដ្ឋធានី គឺសង្កាត់ HAWLWADAG ដែលបានប្រកាសទទួលខុសត្រូវដោយក្រុម CHABAAB ជាក្រុមឧទ្ទាមអ៊ិស្លាមនិយមមួយ។
យោងតាមអ្នកទទួលខុសត្រូវម្នាក់នៃប៉ូលិសសូម៉ាលី បានឱ្យដឹងថា ទាហាន និងជនស៊ីវិល ស្ថិតក្នុងចំណោមជនរងគ្រោះ។ ហើយក្រៅពីអ្នកស្លាប់មនុស្សប្រមាណជា១០នាក់ទៀតបានរងរបួស។ ចំណែកឯក្នុងសេចក្ដីប្រកាសរបស់គេក្រុម CHABAAB ក៏បានអះអាងពីមនុស្សស្លាប់ដល់១០នាក់ផងដែរ៕
ចែករំលែកព័តមាននេះ