លោកមាជ សុវណ្ណារ៉ា សម្រេចសាងផ្នួសហើយ…
- សៀមរាប
ខេត្តសៀមរាប ៖ លោក មាជ សុវណ្ណារ៉ា អតីតសកម្មជនល្បីមួយរូបរបស់អតីតគណបក្សប្រឆាំង បានសម្រេចសាងផ្នួសហើយ កាលពីថ្ងៃទី១ កញ្ញា កន្លងមកនេះ…
ខេត្តសៀមរាប ៖ លោក មាជ សុវណ្ណារ៉ា អតីតសកម្មជនល្បីមួយរូបរបស់អតីតគណបក្សប្រឆាំង បានសម្រេចសាងផ្នួសហើយ កាលពីថ្ងៃទី១ កញ្ញា កន្លងមកនេះ…
ខេត្តសៀមរាប ៖ លោក មាជ សុវណ្ណារ៉ា អតីតសកម្មជនល្បីមួយរូបរបស់អតីតគណបក្សប្រឆាំង បានសម្រេចសាងផ្នួសហើយ កាលពីថ្ងៃទី១ កញ្ញា កន្លងមកនេះ បន្ទាប់ពីត្រូវបានដោះលែងពីពន្ធនាគារឱ្យមានសេរីភាពវិញ ។
លោក មាជ សុវណ្ណារ៉ា បានធ្វើពិធីសាងផ្នួសនៅវត្តដំណាក់ ក្នុងទឹកដីខេត្តសៀមរាប ដែលគោលដៅសាងផ្នួសរបស់លោកតាមអ្នកជិតស្និទ្ធថា សាងផ្នួសមួយអាទិត្យក្នុងបំណង គឺដើម្បីបិណ្ឌបាតបញ្ចប់ហិង្សានយោបាយបញ្ជ្រាបមេត្តាធម៌ ដោយបញ្ឈប់នូវវប្បធម៌គំរាមសម្លាប់-ចាប់ដាក់គុក និងរត់ចោលស្រុកជាដើម ។
ការសាងផ្នួសរបស់អតីតសកម្មជនគណបក្សសង្គ្រោះជាតិ គេសង្កេតឃើញមានការចូលរួមពីព្រះអង្គម្ចាស់ស៊ីសុវត្ថិធម្មិកោ អតីតមន្ត្រីជាន់ខ្ពស់គណបក្សសង្គ្រោះជាតិ លោកបណ្ឌិតឡៅ ម៉ុងហៃ គ្រូរបស់លោក មាជ សុវណ្ណារ៉ា និងជាអតីតទីប្រឹក្សាលោក កឹម សុខា ព្រមទាំងសកម្មជនគាំទ្រ អតីតគណបក្សសង្គ្រោះជាតិជាច្រើននាក់ទៀត ។
សូមជម្រាបថា លោក មាជ សុវណ្ណារ៉ា និងសកម្មជនអតីតគណបក្សសង្គ្រោះជាតិចំនួន១៣រូបផ្សេងទៀត ត្រូវបានព្រះមហាក្សក្សព្រះរាជទានលើកលែងទោសតាមសំណើរបស់សម្តេចតេជោ កាលពីវេលារំលងអធ្រាត្រថ្ងៃទី២៧ សីហា បន្ទាប់ពីជាប់ពន្ធនាគារជាង៣ឆ្នាំ ។
ក្រោយពីចេញពន្ធនាគារលោក មាជ សុវណ្ណារ៉ា ដែលបានអំណរព្រះគុណថ្វាយព្រះមហាក្សត្រនិងសម្តេចតេជោ ដែលបានសម្រេចលើកលែងទោសដល់រូបលោក និងសកម្មជនដទៃទៀតដែលម្នាក់ៗ ត្រូវបានផ្តន្ទាទោសពី៧ទៅ២០ឆ្នាំ ។ លោក មាជ សុវណ្ណារ៉ា ក៏បានកោតសរសើរចំពោះការធ្វើនយោាបាយរបស់សម្តេចតេជោ ហ៊ុន សែន ជាអ្នកនយោបាយជើងចាស់មួយរូបមិនចង់ឱ្យខ្មែរណាមួយស្លាប់នោះទេ ។
ជាងនេះទៅទៀត លោកក៏បានអះអាងថា នឹងនៅធ្វើនយោបាយបន្តទៀត ប៉ុន្តែមិនធ្វើនយោបាយលាបពណ៌ ធ្វើអំពើហិង្សាយកខ្មែរណាមួយជាសត្រូវនោះទេ ។ លោកថាសម្តេចតេជោ ជាអ្នកនយោបាយវៃឆ្លាតមួយរូប ។លោកបានបញ្ជាក់ថា«យើងមិនបង្កើតសត្រូវទេ តែយើងធ្វើនយោបាយបង្កើតមិត្ត ជាការល្អ ។
អីញ្ចឹងយើងធ្វើនយោបាយ ជាមួយចិនក៏ធ្វើជាមួយអាមេរិកក៏ធ្វើ ជាមួយសហគមន៍អឺរ៉ុបក៏ធ្វើ និងជាមួយប្រទេសជិតខាងក៏ធ្វើគឺខ្មែរវៃឆ្លាត» ៕
ចែករំលែកព័តមាននេះ