ខេត្តបាត់ដំបង ៖ សេចក្តីរាយការណ៍ឱ្យដឹងថា ស្ត្រីជនជាតិអូស្ត្រាលីម្នាក់ ត្រូវក្រុមចោរធ្វើសកម្មភាពឆក់កាបូបបានសម្រេច និងបណ្តាលឱ្យដួលរងរបួសយ៉ាងធ្ងន់ធ្ងរ កើតឡើងកាលពីវេលាម៉ោង៣រសៀលថ្ងៃទី០១ កញ្ញា ស្ថិតក្នុងសង្កាត់រតនៈ ក្រុងបាត់ដំបង…
ខេត្តបាត់ដំបង ៖ សេចក្តីរាយការណ៍ឱ្យដឹងថា ស្ត្រីជនជាតិអូស្ត្រាលីម្នាក់ ត្រូវក្រុមចោរធ្វើសកម្មភាពឆក់កាបូបបានសម្រេច និងបណ្តាលឱ្យដួលរងរបួសយ៉ាងធ្ងន់ធ្ងរ កើតឡើងកាលពីវេលាម៉ោង៣រសៀលថ្ងៃទី០១ កញ្ញា ស្ថិតក្នុងសង្កាត់រតនៈ ក្រុងបាត់ដំបង ។
តាមសាក្សីប្រាប់សមត្ថកិច្ចថា ស្ត្រីជាម្ចាស់កាបូប ឈ្មោះ ឡា ណាអាន់ អាយុ៣៥ឆ្នាំ ជាជនជាតិអូស្ត្រាលី ។ ដោយឡែក សម្ភារបាត់បង់មានកាបូបស្ពាយ ពណ៌ប្រផេះ១ និងទូរស័ព្ទដៃម៉ាកIPhone (៦plus) ពណ៌ខ្មៅ១គ្រឿង ប័ណ្ណសម្គាល់ខ្លួន១ច្បាប់ លុយ៧០ដុល្លាអាមេរិក និងកាតATM១ក្បាល ។
ប្រភពពីស្ត្រីរងគ្រោះប្រាប់សមត្ថកិច្ចថា កាលវេលាម៉ោងខាងលើ ខ្លួនបានជិះម៉ូតូឌុបចេញមកពីផ្សារ ក្នុងគោលបំណងទៅផ្ទះសំណាក់វិញ ។ លុះជិះដល់ចំណុចខាងលើ ស្រាប់តែលេចជនសង្ស័យចំនួន២នាក់ ជិះម៉ូតូមកអែបៗទន្ទឹមរួចក៏ឆក់កាបូបតែម្តង ប៉ុន្តែពេលនោះ ខ្លួនបានទាញទៅទាញមកជាមួយចោរ បណ្តាលដួលលើថ្នល់រលាត់ដៃជើងរងរបួស ហើយការបូបស្ពាយនោះត្រូចោរឆក់យកទៅបាត់ ។
បច្ចុប្បន្ន សមត្ថកិច្ចបាន និងកំពុងធ្វើការស្រាវជ្រាវ ដើម្បីចាប់ខ្លួនជនសង្ស័យហើយ ។
ចែករំលែកព័តមាននេះ